ဟုတ်မှ ဟုတ်ရဲ့လား

ဒီနေ့ မနက် အရုဏ်ဆွမ်း ဘုဉ်းပေးကြွခဲ့တယ်။ အဲဒီနေရာက ရွာသေးသေးလေး။ ရွာသေးသေးလေး
ဆိုတော့ မရှိတဲ့သူက များပါတယ်။ မရှိတာက ပစ္စည်းဥစ္စာ တွေကို ဆိုလိုတာပါ။
သဒ္ဓါတရားကျတော့ ရှိသားပဲ။ ကျောင်းရှိသံဃာ အားလုံးကိုတောင် အရုဏ်ဆွမ်း ဆက်ကပ်နိုင်ပါတယ်။
ပစ္စည်းဥစ္စာ မရှိပါဘူး ဆိုပါမှ - နူရာဝဲစွဲ လဲရာ သူခိုးထောင်လို့ 
ဖြစ်နေပြန်ပါရော့လား။ ဒီနေ့  မိုးက အစွမ်းကုန် အထိမ်းကွပ်မရှိ ရွာချလိုက်တာ။ ကန်တွေ ဆည်တွေတောင် ရေတွေ မောက်တက်လို့ ။ ရေတွေ ပြန်အန်ထုတ်ရတဲ့ အခြေနေထိ ရောက်သွားတယ်။ မထင်မှတ်ဘဲ ဆိုသလို အဲဒီ ရွာလေးကချောင်း အနီး မှာ တည်ရှိတယ်။ နှစ်ပေါင်း များစွာက မကြုံဘူးတဲ့
အဖြစ်ပျက်နဲ့  သူတို့  ရွာ ထိပ်တိုက် လာတွေ့ ကြုံရတယ်။ အဲဒီလို ကြုံရတော့ ညဥ့်နက်သန်းခေါင် လူတွေက မှောင်မှောင်မည်းမည်း ဂျောက်ထဲကျသူကျ မှောက်ရပ်လဲသူကလဲရင်းနဲ့  ရေလွတ်ရာ ပြေးကြပါတယ်။
အဲသလိုမျိုး အဖြစ်ကြုံတော့ ကောင်းလိုက်တဲ့ ရွှေမြန်မာတို့  စေတနာ ။ သဒ္ဓါ
တွေ မိုးထက်တောင် များပါသေးတယ်။ အခက်ခဲကြုံလို့  ကူညီပြီး ရွာပြန်သွားတဲ့အထိတောင်
ပိုငွေများ ရှိသည်အထိ ရရှိကြတယ်။ ရေဘေးအတွင်းလည်း အဆင်ပြေစွာ နေထိုင်ခဲ့ကြရတယ်။ ဘယ်လောက်ထိ ပိုသလဲ ဆိုရင် သိန်း ၅၀ ကျော်ကျော်လို့  သိရတယ်။
အဲဒီငွေကို ဒီအတိုင်း ခွဲဝေပစ်ရင်တော့ ကုန်တော့မှာပဲ။ နောက် ဒီလို အန္တရာယ်မျိုး မကြုံရအောင်
တံတားဆောက်မယ်။ ရေပြွန်လုပ်မယ် ဦးဆောင် ညွှန်ကြားသူတွေက ပြောကြ ဆိုကြတယ်။
ဟုတ်တာပေါ့။ ခွဲဝေပစ်လိုက်ရင် ဘယ်နှစ်ရက် စားသောက်ကြရမလဲ။ တံတားဆောက်မယ်။
ရေဘေးကာကွယ်မည့် နည်းလမ်းလုပ်မယ်ဆိုရင် နောက် ဒါမျိုး မကြုံရဘူးပေါ့။ အဲဒီစကားကို
ကြားလိုက်ရတော့ ၀မ်းသာဘိ ဖြစ်ချင်း။ သတင်းကလည်းကောင်း။ အကြံကလည်း ကောင်းသမို့ 
အချိုပေါ် သကာဆင့် လို့  ဆိုလေရမလားပဲ။
နောက် ၅ လခန့် ကြာသော်။ ရရှိထားတဲ့ ငွေနဲ့ ။ ပထမ လမ်းဖေါက်ပေးကြတယ်။ အော်
ကောင်းလိုက် တာ။ လမ်းဆိုတော့လည်း သွားလို့  ရတာပေါ့။ ကားလည်း သွားလို့ ရ။ ဆိုင်ကယ် ၊
စက်ဘီး လူသွားလမ်း အားလုံး အဆင်ပြေတာပေါ့။
လူတွေကို လမ်းကောင်းကြောင်း ကိုယ်က ချီးမွမ်းစကား ဆိုလိုက်တဲ့ အခါ။ သူ
တို့  ပါးစပ်မှ ထွက်လာပုံက အဲဒီ ကျောက်နဲနဲ မြေကြမ်းလမ်းက သိန်း ၈၀ ကုန်သတဲ့ဘုရား။ တကယ်တမ်း
အဲလောက်မကုန်လောက်ပါဘူး။ ကျောက်ခင်းတာမှ မဟုတ်တာ ကိုဘုရာ့။

တပည့်တော်တို့က မယုံတာနဲ့ မြေလမ်းလုပ်ပေးတဲ့ သူတွေကို မေးကြည့်ပါတယ်။ ဘယ်လောက်ပေးသလဲပေါ့ ဆိုတော့။
ဆိုင်ရာသူတွေက ၁၁ သိန်း ထုတ်ပေးတယ်တဲ့။ အဲဒါနဲ့  လောက်အောင် လုပ်တဲ့။
အလှူခံလို့  ရရှိထားတဲ ငွေက သိန်း ၅၀ ။ ကုန်ကျသွားတာက သိန်း ၈၀ ဆိုတော့။
လမ်းလုပ်ပေးသူတွေက သိန်းသုံးဆယ်တောင် စိုက်လုပ်သွားကြပါ့လား။
ကောင်းလိုက်တာ ။ ဟုတ်မှ ဟုတ်ရဲ့ လား။ ဟုတ်မှ ဟုတ်ရဲ့ လား။ သာဓုပါ။

တစ်ဖက်က ကြည့်ပြန်သော် မြေလမ်းကို လုပ်ပေးသူ လမ်းစက်သမားပြောတာက ၁၁
သိန်း။ လူကြီးတွေ တိုးတိုး တိတ်တိတ် ရှင်းတမ်း ထုတ်သွားတာက သိန်း ၈၀။
ဆိုးလိုက်တာ ။ ဟုတ်မှ ဟုတ်ရဲ့ လား။ ဟုတ်ရဲ့ လား။

အကောင်းဖက်မှာ
မအံ့သြနိုင်လောက်အောင်
ဟုတ်မှ ဟုတ်ပါလေရဲ့ လား
ပြောနိုင်ကြပါစေ ဟုသာ ...

မြတ်ရောင်နီ
( ၂၆ ၊ ၀၁ ၊ ၂၀၁၂ )