အနတ္တ ပါ တကား

အနတ္တ ပါ တကား

အနတ္တလက္ခဏသုတ်ကို ရေးပြီးကာမှ ပေါက်တိပေါက်ရှာ ပြောပြောပေါ့လေ၊
အတွေးလေး တစ်ခု ၀င်လာတယ်။ တွေးမိတယ်ပေါ့။

လူတိုင်းတွေ့ ကြုံနေကျ အရာ နှစ်ခုပေါ့။ အချစ်ရယ် အမုန်းရယ်။
စွဲလန်းမှုရယ်၊ နာကျည်းမှု အငြိုးအတေးရယ်။
စာအလို ပြောရရင် လောဘနဲ့  ဒေါသပေါ့။

ချစ်တာရယ် စွဲလန်းတာရယ်ကို မြဲတယ်လို့  တစ်ခါတစ်ရံ ထင်မှားတတ်တယ်။
တစ်ခုတော့ ရှိတာပေါ့လေ၊ မြဲတယ်ဆိုတာ ကိုယ့်ချစ်သူ ၊ သို့ မဟုတ် ကိုယ့်ခင်ပွန်း
ဇနီးမယားကို တစ်သက်လုံး သစ္စာရှိရှိ ချစ်တယ်။ အခြားသူကို ဘယ်လိုမှကို
စိတ်ကူးမရဘူး။ ကိုယ့်အချစ်က မြဲတယ်လို့  ဆိုချင် ဆိုရမှာပေါ့။ အဲဒါက သာမန်
အနေနဲ့  ကြည့်ရင်တော့ အချစ်က မြဲတာ၊ သစ္စာရှိတာပေါ့လေ။

အတ္တ နဲ့  ကြည့်ကြတော့ -
ငါ့ချစ်သူ ၊ ငါ့ခင်ပွန်း၊ ငါ့ဇနီး ဧတံ မမ ဖြစ်သွားတာပေါ့။

တရားသဘောအရ ပြန်တွေးကြည့်ကြစို့ ရဲ့ ။ ချစ်တာက အမြဲတမ်း နာရီမလပ်
မိနစ်မလပ် စက္ကန့် မလပ် ချစ်နေကြတာလားပေါ့။ ဘယ်သူမှ အဲသလိုမျိုး
ချစ်လိမ့်မယ်လို့  မထင်မိပါဘူး။ ချစ်စပဲဖြစ်ဖြစ် ကြင်စပဲဖြစ်ဖြစ်။
အိမ်ထောင်သည်တွေပဲ ဖြစ်ဖြစ်ပေါ့။

ဘာလိုလဲဆိုတော့ စဉ်းစားကြည့်ပေါ့လေ။ ကိုယ်စီဆိုသလို ကိုယ့်အလုပ်ကို
လုပ်နေကြတာပဲ။ ချစ်သူဘ၀ဖြစ်တဲ့ ကျောင်းသားကျောင်းသူတွေတောင်မှ
သူ့ အချိန် သူ စာကျက်ကြရမယ်။စာထဲမှာ စိတ်ထားတယ်။
ပြီးတော့ စားချိန် စားတဲ့စိတ်။ အိပ်ချိန်အိပ်မည့်စိတ်နဲ့ ။
စိတ်တွေက အမြဲ ပြောင်းလဲနေတာကိုး။ ဒီလိုဆိုတော့ ချစ်တဲ့စိတ်ကြည့်ပဲ
အမြဲမရွေ့ ပဲ ထားလို့ ကတော့ မဖြစ်နိုင်ဘူး။

ဟောဒီ အချစ်ဆိုတာကလည်း လူတိုင်းဆိုသလို ရှိကြတယ်။ လူလူချင်း
ချစ်လို့  စိတ်ကုန်ရင် ဖြစ်ဖြစ် ၊ တိရ စ္ဆာန်လေးတွေကို ချစ်တတ်လို့ပဲ ဖြစ်ဖြစ်
မွေးမြူပြီး အချစ်ကို ဖန်တီးယူကြတယ်။

တိရ စ္ဆာန်ပဲချစ်ချစ် လူအချင်းချင်းကိုပဲ ချစ်ချစ် ဘယ်အချစ်ကမှ
အမြဲမတည်ပါဘူးလို့  သဘောပေါက်ရမှာဖြစ်တယ်။

ပြိးတော့ အမုန်း ၊ နာကျည်းမှု အငြိုးတရားဟာလည်း ဒီအတိုင်းပါပဲ။
တစ်ခါတစ်လေ ကိုယ့်က ထင်ထားတာ ဒီလူကို မကြိုက်ဘူး၊
ပစ္စည်းတစ်ခုကို မကြိုက်ဘူး- ဆိုတော့ မြင်လိုက်တာနဲ့ ပဲ
နာကျည်းမှုတွေ အမုန်းတွေက အမြဲလို့  ထင်ပြန်ရော။

ဒီအမုန်းကလည်း အမြဲမှ မဖြစ်တာ၊ ကိုယ့်စိတ်ထဲ ပေါ်လာတဲ့ အခါဖြစ်ဖြစ်၊
ကိုယ့်နဲ့  ထိပ်တိုက် ရင်ဆိုင်ရလို့  ဖြစ်ဖြစ် ၊ တစ်စုံ တစ်ယောက်က
ကိုယ်မုန်းတီးနေသူ အကြောင်း ပြောလို့  ဖြစ်ဖြစ် ပြန်ပြီး ပေါ်လာတတ်တာပဲ။

ဒီလို ဆိုတော့ အမုန်းဆိုတာကလည်း ကိုယ်က အမြဲမုန်းတယ် ဆိုပေမယ့်။
အမုန်းတရားကလည်း မမြဲဘူးဆိုတာ သတိထားသင့်တာပေါ့။

အဘိဓမ္မာ အလို ပြန်ပြီး ဆန်းစစ်ကြည့်မည်ဆိုရင်လည်း လောဘ အချစ်နဲ့ 
ဒေါသ အမုန်းဟာ သင်္ခါရက္ခန္ဓာထဲ အကျူံးဝင်နေတာကို တွေ့ ရပါတယ်။

သင်္ခါရတွေကို အနတ္တဆိုထားသမို့  အချစ် နဲ့  အမုန်းဟာ အနတ္တ ပါ တကား။
အနတ္တ ပါ တကား လို့  ရှုပွါးသင့်ပါတယ်။


မြတ်ရောင်နီ
( ၃၀ ၊ ၀၆ ၊ ၂၀၁၁ )

ဒီနေရာကလေးမှာ ရေးပါ..

ဓာတ်ပုံပြခန်း

ဓာတ်ပုံပြခန်း





နွန်းဘာဂ်မြို့  ဆွမ်းအလှူ့ ရှင်အိမ်၏
ဘုရားခန်းနှင့်တူသော ဘုရားခန်း

( နတ်ရုပ် နတ်ပူဇော်ပွဲများ မရှိသောကြောင့်
ဘုရားခန်းနှင့်တူသော ဘုရားခန်းဟု ဆိုပါသည်။)





သံဃာတော်များအတွက်...
နေရာကျယ်ကျယ်ဝန်းဝန်း ရှိစေလိုသည့်အတွက်ကြောင့်
ဟိုတယ်မှာ ကျောင်းအမှတ် သီတင်းသုံးဖို့ 
လျှောက်ထားလာပါသည်။

ဟိုတယ် အ၀င်ဝမှာ အပြုံးဖြင့် ကြိုဆိုသည့်
အလှူရှင်ကို အပြုံးများ ပြန်လည်ပေးခဲ့သည်။




ဟိုတယ် အထက်ဆုံးထပ် အပြင်ရှုခင်း ရှုမျှော်မည်ပြုစဉ်
ဂျာမန်ဒကာတစ်ယောက်၏ ဖုန်းကို ပြန်ဖြေပေးခဲ့သည်။

အလှူဒကာရဲ့  လျှပ်တပြတ် ရိုက်ချက်






အရှင်ဘုရား မြို့ ရှုခင်းလေးက လှတယ် ဘုရား
ဒီနား သီတင်းသုံးပေးပါ ဆိုတော့လည်း-
( ဓာတ်ပုံရိုက်တဲ့ ၀ါသနာက အစက မှ...)





ကျောင်းအမှတ်ဖြစ်သွားတဲ့ ဟိုတယ်ခန်းထဲမှာ
ဂျာမန် အစားစာ အရုဏ်ဆွမ်းများ ဘုဉ်းပေးစဉ်



ကိုယ်ကတော့ ပါလာတဲ့ သပိတ်ကိုလွယ်
အပိုယူဆောင်ခဲ့တဲ့ နှစ်ထပ်သင်္ကန်းကြီးကိုတော့
အလိုက်တသိနားလည်တဲ့ ကပ္ပိယ ဒကာကြီးက လွယ်လို့ 
သယ်ယူကာ ကုသိုလ်ယူလို့ ပေါ့-




ဘုရားရှင် လက်ထက်ကတော့
ခြေဆေးရေ ဆေးပြီး၊ ခြေသုတ်ကာကုသိုလ်ပြုကြတယ်။

ဥရောပမှာ အေးတော့လည်း နဲနဲပါးပါး ကပ်နေတဲ့
ဖုန် အမှုံမွှားကို သားလိမ္မာလေးက ကုသိုလ်ယူလို့ -







မြန်မာ အလှူရှင်တွေဆိုတော့ အလှူ့ အမကြီးက
အကြိုနေ့ ကတည်းက မြန်မာ ဟင်းလျာများကို
အားပါးတရချက်လို့ ၊ လှူမည့်နေ့ တိုင်ချက်လို့ ။

နီးစပ်သူများကလည်း အချိုပွဲစသည်များ
လှူကြတာ ပျော်ပျော်ပါးပါးကြီးပါပဲ...။








သားတို့  အဲသလိုမျိုး ဆွမ်းလောင်းရတယ်ကွယ့်..။
ပိဏ္ဍပါတ ဆိုတာ လောင်းတဲ့ ဆွမ်း သပိတ်ထဲကျတာကို ခေါ်သကွယ့်။
ပိဏ္ဍပါတ- ဆွမ်းခံခြင်း၊ ဆွမ်းခံယူ အလှူခံခြင်း ။
မိဘများက သေချာလေး သင်ပေးနေပုံ....






သားလည်း လောင်းနော် ။
ဆွမ်းကို အဲသလို လောင်း..လောင်း...။
ကလေးများအတွက် ကုသိုလ်လည်းရ ၊
ဒီလိုဆွမ်းလောင်းရတယ်ဆိုတဲ့
ဗဟုသုတတစ်မျိုးလည်းရသပေါ့လေ။





ဘုန်းကြီးပြီးရင်
အားလုံးဧည့်သည်တွေလည်း
သုံးဆောင်ကြအောင်နော်...

အားပါးတရကြီး သုံးဆောင်ကြပါ။
အားပါးတရကြီး ဧည့်ခံကျွေးမွေး အလှူပြုပုံ




လာရောက်ကြသည့် ဓမ္မ မိတ်ဆွေ
ပရိသတ်များနှင့်အတူ အမှတ်တရ ဓာတ်ပုံ

မှတ်ချက်။ ။ဓာတ်ပုံ မတင်တာ ကြာသွားပြီဖြစ်သည်။
မိမိ ကင်မရာကား မြန်မာပြည်မှာ ခုန်ချသွားသည်။
ဒီရောက်လာတော့ ကင်မရာ အသစ်လေး ရောက်လာသည်။
သို့ သော် မန်မိုရီကဒ်မပါသည်မို့  ဓာတ်ပုံရိုက် မတင်ဖြစ်။
ယခုသော်ကား ဒကာနှစ်ဦးရဲ့  လှူဒါန်းသမှု ပြုသဖြင့်
ဓာတ်ပုံတင်သည့်စခန်း ဓာတ်ပုံပြခန်းလေး တင်ဖြစ်သည်။
အလှူ့ ရှင်များကို သာဓုခေါ်ပေးကြစေလို...။

မြတ်ရောင်နီ
( ၂၇ ၊ ၀၆ ၊ ၂၀၁၁ )

ဒီနေရာကလေးမှာ ရေးပါ..

ဧ၀ံ ပဿံ

ဧ၀ံ ပဿံ

အနတ္တလက္ခဏ သုတ်
( အဆက် )

နိဂုမ်းပိုင်း

မြတ်စွာဘုရားရှင်ဟာ ပဉ္စ၀ဂ္ဂီ ၅ ဦးတို့ ကို ရုပ် ဝေဒနာ သညာ သင်္ခါရ ၀ိညာဏ်
အမျိုးမျိုးကိုပင် အသေးစိပ် ထပ်ခါထပ်ခါ တစ်ခုချင်းစီ နေတံ မမ ၊
နေသောဟ မသ္မိ ၊ န မေသော အတ္တာ။ ငါ့ ဟာ မဟုတ် ၊ ငါ မဟုတ် ၊ ငါမပိုင်
ရှင်းလင်းသွားသည်အထိ ဟောကြားတော် မူခဲ့ပါတယ်။

အဲသလိုဟောလိုက်လို့ လည်း ပဉ္စ၀ဂ္ဂီ ၅ ဦး စလုံး ဘုရားရှင် ဆိုလိုတဲ့ အတိုင်း
အော် ဟုတ်ပါ့လား င့ါဟာ မဟုတ် ၊ ငါ မဟုတ် ၊ ငါ မပိုင် ပါ့လား ဆိုတာကို
ကွဲကွဲပြားပြား နားလည် သိမြင် သဘောပေါက်ခဲ့ကြတာပါ။

အဲလိုသဘောပေါက်တာ နားလည်သိမြင်တာကိုပဲ သုတ၀ါ အကြားမြင်ရှိတဲ့
အရိယသာဝက ဘုရားရှင်ရဲ့  တပည့်ရင်း လို့  ဆိုလိုတာပါ။ အရိယာသာဝက
ဘုရားရှင်ရဲ့ တပည့်ရင်း စစ်စစ်ဖြစ်တယ်ဆိုရင်ပဲ ရုပ် ဝေဒနာ သညာ သင်္ခါရ
ဝိညာဏ်တို့ အပေါ်မှာ ငြီးငွေ့ လာပါတယ်။

ဒီနေရာလေးမှာ ပြောစရာရှိတာက ငြီးငွေ့ တာဟာ စိတ်ပျက်တာ မဟုတ်၊
စိတ်ရှုပ်သွားတာမဟုတ်။ တကယ့်ကို တရားသဘောပေါက်ပြီး
ခန္ဓာ ၅ပါးလုံးရဲ့  အပေါ် အမှန်အတိုင်း မြင်လာတာပါ။

ဟိုတုန်းက သူတို့  ထင်ထားတာက ငါ့ရဲ့ ဟာ ၊ ငါပဲ ၊ ငါပိုင်တာ ပဲ ထင်လာခဲ့တာ။
ဘုရားရှင် ဟောပြလိုက်တော့ ခန္ဓာမှာ ဥာဏ်သက်ဝင်သွားကြတဲ့အခါ
ဟုတ်ပါ့လားနော် ၊ ခန္ဓာ ၅ပါးလုံးဟာ ငါ့ဟာ မဟုတ် ၊ ငါ မဟုတ် ၊ ငါမပိုင်ပါ့လား
လို့  အသိမှန်တွေ ၀င်ရောက်လာတာပါ။ နိဗ္ဗိန္ဒဥာဏ်လို့  ခေါ်ပါတယ်။

အဲလို ဥာဏ်ဖြစ်လာတော့ ခန္ဓာ ၅ပါးအပေါ်မှာ မတပ်မက်တော့ပါဘူး။
ငြီးငွေ့ လာတယ် ဆိုတဲ့ သဘောမှာ မလိုချင်တာတွေ ပါနေတယ်ပေါ့။
မလိုချင် မတပ်မက်တော့ဘူးဆိုရင် လိုချင်တဲ့စိတ်တွေမှ လွတ်မြောက်သွားတယ်။

ဒီနေရာမှာ ဒီသုံးခု အပြန်အားဖြင့် စဉ်းစားကြည့်ပါ။
လိုချင်ရင် တပ်မက်မယ်။စွဲလန်းမယ်။ တပ်မက်စွဲလန်းနေပြီဆိုရင်တော့
ဘယ်တော့မှ ငြီးငွေ့ မှု ဖြစ်လာမှာ မဟုတ်ဘူး။ မငြီးငွေ့ တော့ဘူးပေါ့။

ခု ပဉ္စ၀ဂ္ဂီ ၅ဦးစလုံးဟာ ခန္ဓာပေါ်မှာ ငါ့ဟာ မဟုတ် ငါမဟုတ် ငါမပိုင် ဆိုတဲ့
တရားကို လက်ကိုင်ထားပြီး အားထုတ်လိုက်တာ ဘ၀လွတ်မြောက်သည်အထိ
ဖြစ်သွားကြပါပြီ။ ရဟန္တာ ဖြစ်သွားကြတယ် လို့  ဆိုလိုတာပါ။

အဲဒီလို လွတ်မြောက်ပြီးတဲ့နောက်မှာတော့ ဘ၀မှ လွတ်မြောက်သွားပါပေါ့လား လို့ 
ပြန်ဆင်ခြင်တဲ့ ပစ္စဝေက္ခဏာဥာဏ် ဖြစ်ပေါ်လာပါတယ်။

ဆင်ခြင်ပုံကတော့-
ခီဏာ ဇာတိ- နောက်ထပ်ပဋိသန္ဓေ ဘ၀သစ် ဖြစ်ဖို့  အတွက် ကုန်သွားပြီ။
ဝုသိတံ ဗြဟ္မစရိယံ- နောက်ထပ်ကျင့်ဖို့  မဂ်ကိစ္စတွေလည်း အထူး မရှိပြီ။
ကတံ ကရဏီယံ- ဘ၀လွတ်မြောက်အောင် လုပ်ဖို့  ပြုသင့်ပြုထိုက်တဲ့
ကိစ္စအ၀၀ကိုလည်း ပြုပြီးသွားပြီ။
နာပရံ ဣတ္ထတ္တာယ- နောက်ထပ် အထက်မဂ်ကို ရအောင်လုပ်ရမည့်ဟာလည်း
ထူး မရှိတော့ပြီ။ ဘာမှကို နောက်ထပ်လုပ်စရာမလိုတော့ လို့  စဉ်းစားဆင်ခြင်
ကြပါတယ်။

မြတ်စွာဘုရားရှင်ဟာ ခန္ဓာ ၅ပါးနဲ့  စပ်ပြီး နည်းအမျိုးမျိုးဖြင့်
ငါ့ဟာ မဟုတ် ၊ ငါ မဟုတ် ၊ ငါ့ မပိုင် ငါ့အတ္တ မဟုတ်ကြောင်း
ဟောတော်မူခဲ့ပါတယ်။ပဉ္စ၀ဂ္ဂီ ၅ ဦးစလုံးဟာလည်း ဘုရားရှင်
ပြောဟောခဲ့တာမှန်သမျှကို နှစ်သက်သဘောကျခဲ့ကြပါတယ်။

အနတ္တလက္ခဏသုတ်ထဲမှာ ဂါထာမပါဘဲ ဘုရားရှင်က စကားပြေ
လေးနဲ့  ပြောဟောတော်မူခဲ့တာပါ။ ဒီစကားပြေများဟောကြား
ပြီးတဲ့နောက်မှာတော့ အားလုံး ရဟန္တာတွေ ဖြစ်သွားကြပါတယ်။
ကမ္ဘာ့ဗုဒ္ဓသာသနာမှာ ဘုရား အပါဝင် ရဟန္တာ ၆ ပါး ရှိလာပါတယ်။

ဒါကြောင့် ဒီ အနတ္တလက္ခဏသုတ်တော်ဟာ ပဉ္စ၀ဂ္ဂီ ၅ ဦးစလုံးကို
ရဟန္တာ ဖြစ်စေခဲ့တဲ့ သုတ်မို့  သေသေချာချာ ဂဃနဏ ကျကျနန
လေ့လာ မှတ်သားဆောင်ထား ကျင့်ကြံ ပွါးများသင့်ပါတော့တယ်။

အနတ္တလက္ခဏ သုတ်တော် ဤတွင် ပြီးဆုံး ကမ္ပတ်ဖုံးလေပြီ။


မှတ်ချက်။ ။ အနတ္တလက္ခဏသုတ်တော် ဒေသနာကို ကျမ်းတတ် အကျော်မော်
ဆရာတော်ဘုရားများ၊ နာမည်ကျော် ဓမ္မကထိက ဆရာတော်ကြီးများ အသီးသီး
ရေးသား ဟောကြားချက် အများအပြား ရှိပါသည်။ အကျယ် အသေးစိပ် သိလိုပါက
နာမည်ကြီး ဆရာတော်များ၏ ကျမ်းစာနှင့်ပြောဟောထားသော တိတ်စီဒီများကို
ဖတ်ရှု နာယူကြလေကုန်။

သို့ သော် ယခု ဘာလင်မြို့  ခရီးစဉ်ဝယ် အနတ္တလက္ခဏသုတ်ကို ရှင်းပြပေးပါဘုရား ဟု
လျှောက်ထားသည်မို့  ကိုယ်သိသလို အနည်းကျဉ်းလေးကို ကိုယ်သိသလိုမျိုး ပြန်လည်ကာ ပါဠိတော်ကိုကြည့်ရှုလေ့လာပြီး ထိုထိုကျမ်းဂန် တရားများမှ နာယူ လေ့လာ
မှတ်ထားသမျှနှင့် ပေါင်းစပ်ကာ စကားပြောဟန်နှင့် ရေးသား လိုက်ခြင်းဖြစ်ပါသည်။
လူဗြိန်းဟု မဆိုအပ်သော လူအသိသာမန် ဥာဏ်ရှိသူတို့ အတွက် ရည်ရွယ်မှန်းဆကာ
ဖြန့် ဝေ ကုသိုလ်ယူခြင်း တစ်မျိုး ဟု မှတ်စေခလို။


ရေးသားမျှဝေလိုက်ရသည့် ကုသိုလ် အစုစုကို လာရောက် စာဖတ်သူ အပေါင်းနှင့်
ကျေးဇူးရှင် မိဘ ဆရာသမား ရဟန်းဒါယကာ ဆွေမျိုးဥာတိ သူငယ်ချင်းများမှအစ
၃၁ ဘုံသား အားလုံးတို့ အား အမျှ ပေးဝေပါ၏။ သာဓု အားရပါရ ခေါ်ကြစေသောဝ်။



မြတ်ရောင်နီ
( ၂၂ ၊ ၀၆ ၊ ၂၀၁၁ )


ဒီနေရာကလေးမှာ ရေးပါ..

ဝေဒနာ အမျိုးမျိုး စသည်

ဝေဒနာ အမျိုးမျိုး စသည်

အနတ္တ လက္ခဏသုတ်

(အဆက်)

ရုပ်မှာ ၁၁မျိုး ရှိခဲ့သလို ဝေဒနာ စတာတွေမှာလည်း ၁၁ မျိုးစီကွဲပြားကြပါတယ်။
အဲဒီ ၁၁ မျိုးအခြင်းရာ ကိုလည်း ငါ့ ဟာ မဟုတ် ၊ ငါ မဟုတ် ၊ ငါရဲ့ အတ္တ
ငါပိုင် မဟုတ်လို့ -ရှုကြရပါမယ်။

ဝေဒနာ ဆိုတာ ခံစားမှုပါ။ ခံစားမှုဟာ ပျော်တာ သုခ ၊ မပျော်တာ ဒုက္ခ ၊
ပျော်သလိုလည်းမဟုတ် မပျော်သလိုလည်း မဟုတ်တဲ့ အဒုက္ခမသုခ( ဥပေက္ခာ)
လို့  သုံးမျိုး ရှိပါတယ်။

အတိတ်တုန်းက ပျော်ခဲ့တာ မပျော်ခဲ့တာ ၊ ပျော်သလိုမပျော်သလိုတွေကို
ဒီလို- ပျော်တာ ငါ့ ဟာ မဟုတ် ၊ ငါ မဟုတ် ၊ ငါ မပိုင် လို့  ရှုရပါမယ်။
ကျန်တာတွေကိုလည်း အဲသလိုမျိုး ရှုရပါမယ်။

အတိတ်မှာလို အနာဂတ် ပစ္စုပ္ပန် ခံစားမှုတွေကိုလည်း ဒီအတိုင်းပဲရှုပါ။
အဇ္ဈတ္တကိုတော့ ကိုယ့်မှာ ဖြစ်တဲ့ ဝေဒနာ၊ ဗဟိဒ္ဓ သူများဖြစ်တဲ့ ဝေဒနာ
တွေကို ရှုလို့ ရပါတယ်။

သြဠာရိက ဝေဒနာကြမ်း၊ နဲ့  သုခုမ ဝေဒနာ အနု ကိုတော့ သမ္မောဟ
ဝိနောဒနီ အဋ္ဌကထာမှာ ခွဲခြားထားတယ်လို့  ကျေးဇူးရှင် ဆရာတော်ကြီး
တစ်ပါးက ပြောပြသွားပါတယ်။ ခွဲခြားပုံမှာ-

ဒုက္ခ ဝေဒနာဟာ ဝေဒနာအကြမ်း၊ သုခနဲ့  ဥပေက္ခာက ဝေဒနာ အနု။
နောက်တစ်မျိုး ပြောရရင် အကုသိုလ်မှာ ဖြစ်တဲ့ ဝေဒနာ ၃မျိုးလုံးဟာ
ဝေဒနာ အကြမ်း။ ကုသိုလ် ကြိယာမှ ဖြစ်တဲ့ ဝေဒနာများကိုတော့
ဝေဒနာ အနု။
ထို့  ထက် ကုသိုလ်နဲ့  ကြိယာတို့ မှာလည်း ကုသိုလ်ဝေဒနာဟာ
ဝေဒနာ အကြမ်း၊ ကြိယာဝေဒနာ ဟာ ဝေဒနာ အနုလို့  ခွဲရပါ့မယ်။

လောကုတ္တရာ ကုသိုလ်ကိုတော့ ဥပါဒါနက္ခန္ဓာမှာ မပါဝင်တာမို့ 
ထူးပြီး မခွဲခြားရပါဘူး။

အဲသလိုမျိုးပဲ ဟီန အယုတ် နဲ့  ပဏီတ အမြတ်ကို ထို့ အတူ ခွဲခြားပါ။
ဒူရေ နဲ့ သန္တိက အဝေး အနီးလည်း သာမန်အားဖြင့် သူများဝေဒနာက
အဝေး ကိုယ့်ဝေဒနာက အနီးလို့  မှတ်ရပါမယ်။

ဘယ်လိုဝေဒနာမျိုးဖြစ်ဖြစ် ငါ့ဟာ မဟုတ်၊ ငါ မဟုတ် ၊ ငါ ပိုင် မဟုတ် ရှုရုံပါပဲ။
စာအလို အမျိုးမျိုး ခွဲထားတာပါ။ ကိုယ့် ဘာဝေဒနာ ခံစားနေတာလဲ။
ခံစားတဲ့ အခိုက်ကို ရှုမှာလား၊ ဟိုတုန်းက ခံစားဖူးတာကို ပြန်ရှုမှာလား။
ကိုယ့် စိတ်ထဲ ထင်တဲ့ ဝေဒနာဆိုတဲ့ အာရုံကိုပဲ ငါ့ဟာ မဟုတ် ၊
ငါမဟုတ်၊ ငါပိုင်မဟုတ် ရှုဖို့  အဓိကဖြစ်ပါတယ်။

ဒီနေရာမှစပြီး ရှုပ်ထွေးမှာစိုးလို့  ချုံးကာ ပြောပါတော့မယ်။
( ကိုယ်တိုင်စမ်းသပ်ကြည့်ကြကုန်) ။သညာ၊ သင်္ခါရ၊ ၀ိညာဏ်တို့ ကိုလည်း
ဒီအတိုင်းပဲ ၁၁ မျိုးစီ ရှိတယ်လို့  လောလောဆယ်အနေ မှတ်ထားပါလေ။

အဲဒါကြောင့်မို့  အစုံ ပြန်ပေါင်းကြည့်ရင် အတိတ်ခန္ဒာ ၅ပါး အနာဂါတတ် ခန္ဓာ၅ပါး
ပစ္စုပ္ပန်ခန္ဓာ ၅ပါး စသဖြင့် ၅ပါးစီ အသီးသီး ရှိကြပါတယ်။

အားလုံးကို ငါ့ ဟာ မဟုတ် ၊ ငါ မဟုတ် ၊ ငါ မပိုင် ဆိုတာလေးကို အမြဲ တစေ
စိတ်လေးနဲ့  စဉ်းစားပြီး ဥာဏ်မှာ ထင်လာအောင် အထိ ပွါးများပေးပါ။

အနိစ္စ ဒုက္ခ အနတ္တ လို့  ပွါးများတာနဲ့  အတူတူပင် ဖြစ်ပါတယ်။

ဘာလို့ လဲ ဆိုတော့ ငါ့ဟာ ငါ့ဟာ နဲ့  အမြဲစွဲနေတော့ တဏှာ
ဖြစ်ပါတယ်။ အဲဒီတဏှာ ရှိနေလို့  အားလုံးဟာ ဆင်းရဲနေတာပါ။
တဏှာ လိုချင်မှုများသလောက် ဆင်းရဲများတာပါ။ လိုချင်မှုနဲလာတာနဲ့ အမျှ
ဆင်းရဲတွေ နဲလာပါတယ်။ အဲသလိုမျိုး လိုချင်မှု တဏှာဟာ ဆင်းရဲပါ့လား
သိလာတော့ ဒုက္ခာနုပဿနာဥာဏ်ထင်လာပါတယ်။ ဒုက္ခာနုပဿနာဥာဏ်က
အဲဒီတဏှာကို ဖြိုခွဲနိုင်တဲ့ စွမ်းအားရှိပါတယ်။ အဲဒီတဏှာကို ငါ့ ဟာ မဟုတ်ပါ့လား လို့ 
တကယ်သိအောင် လေ့ကျင့်ပါများရင် သိလာပါလိမ့်မယ်။

ဒီလို ဆိုတော့ ငါ့ဟာ မဟုတ်ပါ့လားလို့  ဆိုလိုက်ရင် ပွါးများလိုက်ရင်
ဒုက္ခလို့  ဆိုလိုက်သလိုမျိုး ဒုက္ခ အမှန် သိလာနိုင်တယ်ပေါ့။

ပြီးတော့ ငါ ပဲ ငါပဲ လို့  စွဲနေတာက မာန ပါ။ အဲဒီမာနက အမြဲတမ်း ငါ ငါနဲ့ 
မြဲတယ် ထင်နေလို့ ပါပဲ။ ငါ မဟုတ် ၊ ငါ မဟုတ် လို့ သာ ရှုဖန်များရင်
ငါပဲ ငါပဲ ဆိုတဲ့ မာနအိုး လုံးဝကွဲသွားမယ်။ မမြဲတဲ့ တရား
အနိစ္စာနုပဿနာဥာဏ်လည်း ထင်လာမယ်။ အနိစ္စာနုပဿနာဥာဏ်က
အဲဒီ မာနစွဲကို ဖြိုခွဲနိုင်တဲ့ စွမ်းအားရှိပါတယ်။ အဲဒီမာနကို ငါ မဟုတ်ပါ့လား
တကယ်သိအောင် လေ့ကျင့်ဖန်များရင် သိလာပါလိမ့်မယ်။

ဒီလိုဆိုတော့ ငါမဟုတ်ပါလား ဆိုလိုက် ပွါးများလိုက်ရင် အနိစ္စလို့ 
ဆိုလိုက်သလိုမျိုး အနိစ္စအမှန် သိလာနိုင်တယ်ပေါ့။

ပြီးတော့ ငါ မပိုင် ၊ ငါ့ရဲ့  အတ္တ မဟုတ်လို့ ရှုရမယ်လို့  ပြောခဲ့ပါတယ်။
ဘာလို့ လဲ ဆိုတော့ ငါ့ရဲ့  အတ္တ ငါပိုင်တယ် ဆိုရင် အတ္တပဲလို့  စွဲနေတဲ့
ဒိဋ္ဌိ ဖြစ်ပါတယ်။ ဒိဋ္ဌိ ဆိုတဲ့ အမြင်က ပိုင်တယ် ပိုင်တယ် အမြင်မှားတာမို့ 
ဒိဋ္ဌိလို့  ပြောတာပါ။ တကယ် ငါ ပိုင် မပိုင် ကိုယ့်ကို စမ်းစိစစ်ကြည့်ပေါ့။

အဲသလိုမျိုး ငါ မပိုင် ငါ့ရဲ့ အတ္တ မဟုတ်လို့  ရှုပြီး သိလိုက်တော့
အနတ္တာနုပဿနာဥာဏ်ထင်လာပါတယ်။ အဲဒီ ဥာဏ်ကပဲ
ငါ ပိုင်ထင်နေတဲ့ ဒိဋ္ဌိကို ဖြိုခွဲနိုင်တဲ့ စွမ်းအားရှိပါတယ်။
ငါ မပိုင် ငါ့ရဲ့ အတ္တ မဟုတ်လို့  လေ့ကျင့်ဖန်များလာရင်
အမှန်သိလာပါလိမ့်မယ်။

ဒီလိုဆိုတော့ ငါ မပိုင် ငါ့ရဲ့ အတ္တ မဟုတ် ရှုဆင်ခြင် ပွါးခြင်းဟာလဲ
အနတ္တလို့  ရှုတာနဲ့  အတူတူပဲပေါ့။

ဒါကြောင့်မို့  အနိစ္စ ဒုက္ခ အနတ္တ လို့  ဖြစ်စေ၊ ငါ့ဟာမဟုတ် ၊ ငါမဟုတ် ၊ ငါမပိုင်
လို့  ဖြစ်စေ ဘာဝနာ စိတ်လေးမှာ ထင်လာတဲ့ အာရုံပေါ်မှာ ရှုမြင်သုံးသပ်
တတ်ရင် တရားထိုင်တယ် ၊ တရားမှတ်တယ်လို့  ပြောရပါ့မယ်။


ဆက်လက်ဖေါ်ပြပါမည်။


မှီငြမ်း။ ။ ဖားအောက်ဆရာတော် အာနပါနကျင့်စဉ်မှ ၀ိပဿနာသို့  နှင့်
ကျမ်းတက်အကျော်မော် ဆရာတော်ကြီး မိန့် ဆိုချက်။
ထို့ ပြင် ပါဠိတော်ကို ကိုယ်နားလည်သလိုလေး ပြန်ရေးပြပါသည်။



မြတ်ရောင်နီ
( ၂၀ ၊ ၀၆ ၊ ၂၀၁၁ )

ဒီနေရာကလေးမှာ ရေးပါ..

ရုပ်အမျိုးမျိုး

ရုပ်အမျိုးမျိုး

အနတ္တ လက္ခဏသုတ်
(အဆက်)

( ရုပ်အမျိုးမျိုး ဆိုလို့  ရုပ်ပုံစံ အမျိုးမျိုး လို့  မမှတ်ပါနဲ့ ။ ရုပ်ကို ချောတယ် လှတယ်၊
မလှဘူး ဆိုးလိုက်တာ လို့  ပြောလိုရင်း မဟုတ်၊ )
ပြောလိုရင်းကား......


မြတ်စွာဘုရားရှင်ဟာ ပဉ္စ၀ဂ္ဂီ ၅ဦးတို့  အနိစ္စ ဒုက္ခ အနတ္တသဘောကို အကျဉ်းအားဖြင့်
သဘောပေါက်သွားကြပြီးတဲ့ အခါ အသေးစိတ် သဘောပေါက်စေလိုတာမို့ 
အကျယ်အနေနဲ့ ထပ်မံ ဟောတော်မူပြန်ပါတယ်။

ရုပ်ဟာ အတိတ်ရုပ်၊ အနာဂတ်ရုပ် ၊ ပစ္စပွှန်ရုပ်၊ အဇ္ဈတ္တရုပ်၊ ဗဟိဒ္ဓရုပ် ၊ သြဠာရိကရုပ်၊
သုခုမရုပ်၊ ဟီနရုပ် ၊ ပဏီတရုပ် ၊ ဒူရေရုပ် ၊ သန္တိကေရုပ်လို့  ရုပ်အမျိုးစား နာမည်ပေါင်း
၁၁မျိုး ရှိပါတယ်။

အဲဒီ ရုပ်အမျိုးမျိုးကိုလည်း နေတံ မမ - ငါ့ဟာ မဟုတ်၊ နေသော ဟမသ္မိ - ငါမဟုတ်၊
နေ သော မေ အတ္တာ- ငါမပိုင် ၊ ငါ့ရဲ့ အတ္တ မဟုတ်လို့ အဟုတ် အမှန် ကောင်းကောင်း
ကြီး ဥာဏ်ပညာနဲ့  ရှုဆင်ခြင် ပွါးများရပါမယ်။

မြန်မာလို ရှုဆင်ခြင်ပွါးများပုံက -
အတိတ်ရုပ်ဟာ ငါ့ဟာ မဟုတ်၊ ငါမဟုတ်၊ ငါ မပိုင်( ငါ့ရဲ့  အတ္တမဟုတ်)
လို့  တစ်ခုချင်း ရှုရမှာ ဖြစ်ပါတယ်။ ကျန်တာတွေကိုလည်း ဒီအတိုင်းပဲ ၁၁ မျိုးစလုံး
စုံလင်အောင် ရှုဆင်ခြင် ပွါးများ ရမှာဖြစ်ပါတယ်။

ဒီနေရာမှာ အဘိဓမ္မာ မသင်ကြားဘူး၊ တရားတော် မနာဘူးသေးသေးတဲ့ လူများအဖို့ 
ဒီရုပ်အမျိုးမျိုးနဲ့  ပါတ်သက်လို့  ရှင်းပြမှ နားလည်နိုင်ပါ့မယ်။ ဒါကြောင့် မို့  ထပ်ချဲ့ ပြီး
ရှင်းပြပါဦးမယ်။

အတိတ်ကလည်း ရုပ်တရားတွေဖြစ်ခဲ့ပြီ။ လူ့ ရုပ်ခန္ဓာနဲ့  ဖြစ်စေ အခြားရုပ် ခန္ဓာနဲ့  ဖြစ်စေ
တစ်ခုခုနဲ့ တော့ ဖြစ်ခဲ့ကြပြီ။ ဒါမှ မဟုတ် ဒီဘ၀ လွန်ခဲ့တဲ အသက်ခန္ဓာနဲ့  အညီ
ရုပ်တရားတွေကလည်း လွန်ခဲ့လေပြီ။ အဲဒီအတိတ်ရုပ်ဟာ ကိုယ်ဟာ့လည်းမဟုတ်
ကိုယ်လည်းမဟုတ် ကိုယ်လည်း မပိုင်ခဲ့ပါ့လား လို့  ဆင်ခြင်ရှုပွါးရမယ်။

အဲဒီလိုပဲ အတိတ်ခန္ဓာလို အနာဂတ်ဆိုတဲ့ မဖြစ်သေးတဲ့ ရုပ်ခန္ဓာကလည်း ဒီအတိုင်းပါပဲ။
မဖြစ်သေးတဲ့ ရုပ်ခန္ဓာကို အနာဂတ်ရုပ်ခန္ဓာ ခေါ်ပြီး အဲဒီ ရုပ်ခန္ဓာကိုလည်း ရှုပုံကတော့
အတူတူချည်းပါ။

ခု ဖြစ်ဆဲ လက်ရှိရောက်နေတဲ့အချိန် ဖြစ်တဲ့ ရုပ်ခန္ဓာကို ပစ္စုပ္ပန်ရုပ်လို့  မှတ်ပါ။

အဇ္ဈတ္တိကရုပ်- အတွင်းရုပ်၊ ဗဟိဒ္ဓရုပ် - အပြင်ရုပ်။ မြန်မာလို သာမန်လေးတွေးကြည့်ရင်
တော့ အတွင်းရုပ် ဆိုတာ ကိုယ်ခန္ဓာ အတွင်း၊ အပြင်ရုပ်ဆိုတာ ခန္ဓာကို ပြင်ပလို့ 
ထင်စရာ တွေးစရာရှိတယ်။

အဘိဓမ္မာ အလိုအရကတော့ ခန္ဓာကိုယ်မှာ အဓိက အတွင်းလူသဖွယ်ဖြစ်တဲ့
ကျေးဇူးများတဲ့ ရုပ်ကို အတွင်းရုပ် လို့  ခေါ်ပါတယ်။ အဲဒီအတွင်းရုပ်က
မျက်စိအကြည် နားအကြည် နှာခေါင်းအကြည် လျှာအကြည် ကိုယ်အကြည်
ဆိုတဲ့ အကြည်ရုပ် ၊ ပသာဒရုပ် ၅ပါးဖြစ်ပါတယ်။ ကျန်တဲ့ ရုပ် ၂၃ပါးကတော့
အပြင်ရုပ်လို့ ခေါ်ပါတယ်။
အခြေပြု သင်္ဂြိူဟ် ။ ( စာမျက်နှာ ၃၅၀ )

ဖားအောက်ဆရာတော်ဘုရား ရေးသားပြုစုတဲ့ အာနပါနကျင့်စဉ်မှ ၀ိပဿနာသို့ -
စာအုပ်မှာတော့ အတွင်းရုပ် အမျိုးသား အမျိုးသမီး အသီးသီးတိုင်းမှာ ၂၇ ပါးစီ
ရှိကြတယ်။ အပြင်ရုပ်ကတော့ တစ်ခါတစ်ရံ နှစ်မျိုးလုံး ရှိလို့ မို့  ၂၈ ပါး လို့ 
ရေးသားထားတာ တွေ့ ပါတယ်။ ( စာမျက်နှာ- ၅ )

မိမိအနေနဲ့  သာမန်လေး တွေးကြည့်တော့ အတွင်းပဲဖြစ်ဖြစ် အပြင်ပဲဖြစ် ရုပ်တရား
မှန်သမျှကို ဟုတ်မှန်စွာ ရှုဆင်ခြင်ဖို့ ပဲပေါ့။

သြဠာရိက- ရုပ်ကြမ်း၊ သုခုမ- ရုပ်နု လို့  လွယ်လွယ်ကူကူ မှတ်ထားပါ။
ရုပ်ကြမ်း ရုပ်နု ဆိုတာ အသားရေ ကြမ်းတဲ့ နု ညံ့မှုကို ခွဲခြားပြောတာ
မဟုတ်ပါ။

တရားအားထုတ်လို့  ရှုမှတ်တဲ့အခါ သိသိသာသာ ထင်ထင်ထင်ရှားရှား
မှတ်လွယ် မြင်လွယ်တဲ့ ရုပ်တရားကို ရုပ်ကြမ်း လို့ ခေါ်ပါတယ်။
အဲဒီရုပ်တွေက ခုနပြောခဲ့တဲ့ ပသာဒ ရုပ် ၅ပါးနဲ့  ရူပ - အဆင်း ၊
သဒ္ဒ - အသံ ၊ ဂန္ဓ- အနံ့ ၊ ရသ- အရသာ ၊ ဖောဋ္ဌဗ္ဗ- ( ပထ၀ီ- ၊တေဇော- ၊
ဝါယော-၊ ) ပေါင်း ၁၂ ပါးဟာ ရုပ်ကြမ်းတွေ ဖြစ်ပါတယ်။

( ပထ၀ီဓာတ် သဘောတရား- မာ၊ ကြမ်း ၊ လေး ၊ ပျော့ ၊ ချော ၊ ပေါ့ ။
တေဇော ဓာတ် သဘောတရား- ပူမှု ၊ အေးမှု ။
ဝါယော ဓာတ်သဘောတရား- ထောက်မှု တွန်းမှု ။ တို့  ဖြစ်ပါတယ်။

ကျင့်စဉ် စာမျက်နှာ ၂၉ ။ ဖားအောက်ဆရာတော်

ရုပ်တရားက ၂၈ ပါးရှိတာမို့  ကျန်တဲ့ ၁၆ ပါးကိုတော့ သုခုမ ရုပ်လို့ ခေါ်ပါတယ်။
ဥာဏ်စက္ခု ဥာဏ်မျက်စိနဲ့  ကြည့်တဲ့အခါ သြဠာရိက ရုပ်မျိုး သိသိသာသာ
ထင်ထင်ရှားရှားကြီး မတွေ့ တတ်၊ သိမ်မွေ့ နုညံ့လို့ မို့  သုခုမလို့ ခေါ်ပါတယ်။

( ရုပ်ရေတွက်ပုံများ ချန်လှပ်ထားခဲ့ပါတော့မယ်။ အဘိဓမ္မာ လေ့လာကြပါကုန်။)

သုခုမရုပ်ကိုလည်း လက္ခဏာရေးသုံးပါးနဲ့  ရှုဆင်လို့ ရပါတယ် ။ ရှုဆင်ခြင်ရမှာပါ။

ဟီနရုပ် - ယုတ်ညံ့သောရုပ်၊ ပဏီတ- မွန်မြတ်သောရုပ်။ ရုပ်ယုတ် နဲ့  ရုပ်မြတ်
ဆိုကြပါစို့ ။ ရုပ်ယုတ်ဖြစ်ဖြစ် ရုပ်မြတ်ဖြစ်ဖြစ် အားလုံးက အတူတူပါပဲ။ လက္ခဏာ
ရေးနဲ့  သုံးပါးနဲ့  ရှုရမှာပဲ။

ဟီန - ရုပ်ယုတ် ဆိုတာက အကုသိုလ်ကြောင့် ရလာတဲ့ ရုပ်၊ ပဏီတ - ရုပ်မြတ်
ဆိုတာက ကုသိုလ်ကြောင့် ရလာတဲ့ ရုပ် လို့  သာမန် ဒီလိုလေး ခွဲထားလိုက်ပါ။
ဒါ့ထက် ခွဲခြားရမယ် ဆိုရင်တော့ အပါယ်ဘုံသားနဲ့  လူ ဆိုရင် လူက ပဏီတ
ရုပ်မြတ်၊ အပါယ်ဘုံသားက ဟီန - ရုပ်ယုတ် လို့ ခွဲပါ။ နတ်နဲ့  လူ ဆိုရင်လည်း
ဒီအတိုင်း သာတဲ့သူက မြတ်၊ အောက်ကျသူက ယုတ်လို့  ခွဲခြားသိပါလေ။

ဒူရေရုပ်- အဝေးရုပ် ၊ သန္တိကေ- အနီးရုပ်။
ပစ္စည်းဝတ္ထု တစ်ခုခု ကိုယ်နဲ့  နီးနေရင် လွယ်လွယ်ကူကူ ယူလို့ ရပါတယ်။
ဒီအတိုင်းပါပဲ တရားမှတ်ရာတွင် လွယ်လွယ်ကူကူ ဥာဏ်နဲ့ ယူလို့ ရတဲ့
သြဠာရိက ရုပ်ကြမ်းကိုပဲ သန္တိကေ အနီးရုပ်လို့  နာမည်တစ်မျိုးနဲ့ 
ဟောတော်မူထားတာပါ။( သန္တိကေ- အသိဥာဏ်နဲ့  နီးတဲ့ ရုပ်တရား)

ပစ္စည်း တစ်ခုခုက ဝေးနေရင် ယူရတာ မလွယ်ကူသလိုမျိုး တရားမှတ်တဲ့နေရာမှာ
ဥာဏ်ဖြင့် လွယ်လွယ်ကူကူ ယူလို့ မလွယ် မသိလွယ်တဲ့ သုခုမရုပ် ရုပ်နုကိုပင်
ဒီနေရာမှာ ဒူရေ အဝေးရုပ်လို့  နာမည် တစ်မျိုးနဲ့  သုံးထားပြီး ဟောတော်မူတာပါ။
(ဒူရေ- အသိဥာဏ်နဲ့  ဝေးတဲ့ ရုပ်တရား)

အခြေပြု စာမျက်နှာ ၃၅၃ ကို မှီးငြမ်းပါသည်။

ဒီနေရာမှာ ဘာလို့  အဓိပ္ပါယ် တူရဲ့ သားနဲ့  နှစ်မျိုးဟောတော်မူတာလဲ စဉ်းစားစရာ။
ဒါကတော့ ရှင်းပါတယ်။ တစ်ခါ တစ်ခါ တရားနာ ပရိသတ်တွေ မတူတော့
ပထမပြောတဲ့ စကားကို နားမလည်ရင် နောက်စကားကျတော့ နားလည်မှာပေါ့။
အဲဒါကြောင့် လဲလှယ် အသုံးပြုထားတာလို့  နားလည်မိတယ်။ စာထဲမှာ အခြားနေရာ
တွေ့ ရတတ်တာကတော့ ဝေနေယျ အလိုက် လို့  ပြောရပါမယ်။

မှတ်ချက်။ ။ ဤသုတ်ကို ရှင်းပြစဉ် တရားဟောခဲ့စဉ်က ထိုမျှလောက် မပြည့်စုံခဲ့ပါ။
ယခု စာလို ရေးသားရာမှာ တိကျမှု ရှိအာင် စာသားများမှာ အခြေပြု သင်္ဂြီုဟ် နှင့်
ဖားအောက်ဆရာတော် တရားမှ မှီငြမ်းထားပါသည်။ သို့ သော် အတိကျ ကူးယူခြင်းမျိုး
မဟုတ်ဘဲ ကိုယ်နားလည်သလို အဆင်ပြေအောင်ပြန်လည် ရေးသားထားပါသည်။

ဆက်လက် ဖေါ်ပြပါမည်။




မြတ်ရောင်နီ
( ၁၈ ၊ ၀၆ ၊ ၂၀၁၁ )

ဒီနေရာကလေးမှာ ရေးပါ..

တံ ကိံ မညထ

္ခ
တံ ကိံ မညထ

အနတ္တ လက္ခဏသုတ်
(အဆက်)

မြတ်စွာဘုရားရှင်ဟာ ရုပ် ဝေဒနာ သညာ သင်္ခါရ ၀ိညာဏ်တို့ ရဲ့ 
အနတ္တ ဖြစ်ပုံကို သေသေချာချာ ရှင်းလင်းခဲ့ပါတယ်။ ထို့ နောက်မှ-

တံ ကိံ မညထ ဘိက္ခဝေ- ဘိက္ခုတို့  ဒီလိုဆိုရင် ခု ပြောတော့မည့် ဟာကို
ဘယ်လို သဘောပေါက်ကြသလဲ ပြောကြည့် ကြစမ်းပါ တဲ့။

ကိုယ်မပိုင်တဲ့ ရုပ်ဟာ နိစ္စ မြဲသလား၊ အနိစ္စ မမြဲဘူးလား။
အမြဲတမ်း ကိုယ့်အလိုကျလား မကျလား ဆိုတဲ့ သဘောပေါ့။

အနိစ္စံ ဘန္တေ- ( တပည့်တော်တို့  မပိုင်မှတော့ ) အနိစ္စ- မမြဲပါဘုရား။
မမြဲဘူးဆိုရင် သုခ - ချမ်းသာတာလား ၊ ဒုက္ခ - ဆင်းရဲ တာလား။
ဒုက္ခံ ဘန္တေ- ဆင်းရဲ တာပေါ့ ဘုရား။
အေး မမြဲဘူး၊ ဆင်းရဲတာမို့  ဖေါက်ပြန်တဲ့ သဘောပေါ့။

အဲဒီလို ဖြစ်တတ်တဲ့သဘောတွေကို ဧတံ မမ- ငါ့ ရုပ်တရားပဲ၊
ဧသော ဟ မသ္မိ - ငါဘဲ။ ဧသော မေ အတ္တာ - ငါ ပိုင်တာပဲ လို့ 
ကိုယ့်အထင်လေး ထည့်ထားတဲ့ အသိမှားကြီး ဖြစ်သင့် ပါ့မလား။

နော ဟေတံ ဘန္တေ - အဲ သလိုမျိုး အသိမှား အထင်မှားကြီး မဖြစ်သင့်ပါဘုရား။

ဒီအတိုင်းပဲ မြတ်စွာဘုရား ရှင်က ပဉ္စ ၀ဂ္ဂီ ၅ဦးကို ဝေဒနာစတာတွေနဲ့ 
ပါတ်သတ်လို့ လည်း မေးတော် မူပြန်ပါတယ်။
ပဉ္စ၀ဂ္ဂီ ၅ဦးကလည်း ပြန်လည်ကာ ဖြေကြားတော်မူကြပါတယ်။

ဝေဒနာ ဟာ နိစ္စလား အနိစ္စလား ၊ အနိစ္စပါဘုရား။................
သညာဟာ နိစ္စလား ၊ အနိစ္စလား၊ အနိစ္စ ပါဘုရား.................
သင်္ခါရဟာ နိစ္စလား ၊ အနိစ္စလား ၊ အနိစ္စ ပါဘုရား...............
ဝိညာဏ်ဟာ နိစ္စလား ၊ အနိစ္စလား အနိစ္စ ပါဘုရား.............

လိုရင်း အကျဉ်းချုပ်ကား-
မမြဲရင် ၊ ဆင်းရဲတယ်၊ ဖေါက်ပြန်တဲ့ သဘောဖြစ်တယ်။
အဲဒါကြောင့်မို့  ငါရဲ့ ဟာ ဆိုတဲ့ တဏှာသဘော၊
ငါပဲ ဆိုတဲ့ မာန ၊ ငါ ပိုင်တယ် ၊ ငါ့ရဲ့  အတ္တ ဆိုတဲ့ ဒိဋ္ဌိ
လို့  ခေါ်တဲ့ သံသရာ ချဲ့ ထွင်ကြောင်း တရားများ မရှိသင့်ကြောင်း၊
အစွဲများ ပြုတ်ဖို့ ရန် သင့်လျှော်ကြောင်း ၊ အမြင်မှန်ရှိစေဖို့ ရာ
ဒီနေရာမှာ တစ်ခုချင်း ဘုရားရှင် ပြန်မေးတော်မူပါတယ်။

နော ဟေတံ ဘန္တေ - တဏှာ မာန ဒိဋ္ဌိ အမြင်မှားများ
ရှိဖို့  မသင့်တော်ပါ ဘုရား။
၅ဦးစလုံးက လျောက်ထားကြပါတယ်

( ၀ိနယ မဟာဝဂ္ဂ ပါဠိတော် စာမျက်နှာ ၁၉ မှာတော့ တစ်ခုချင်း
ဖေါ်ပြထားပါတယ်။ အားလုံး သဘောပေါက်လောက်ပြီမို့ 
ချန်လှပ်ထားလိုက်ပါတယ်။)

လူသူတော်ကောင်းများအတွက် ရည်ရွယ်ပါသည်။
ထပ်ခါ ထပ်ခါ မှတ်သား ဖတ်ရှု ကြပါကုန်။


မှတ်ချက်။ ။တံ ကိံ မညထ - ဟု ခေါင်းစဉ် တပ်ထားသည်မှာ ဘလော့ဂ် လာလည်သူ
သူတော်ကောင်း အပေါင်း အသစ်ဟု သိစေလိုသောကြောင့် ဖြစ်ပါသည်။


မြတ်ရောင်နီ
( ၁၆ ၊၀၆ ၊၂၀၁၁)

ဒီနေရာကလေးမှာ ရေးပါ..

အနတ္တ လက္ခဏသုတ်

အနတ္တ လက္ခဏသုတ်

( အဆက် )
( ၅ ) သင်္ခါရက္ခန္ဓာ အနတ္တ ဖြစ်ပုံ

သင်္ခါရာ အနတ္တာ- သင်္ခါရတွေဟာ အနတ္တ ပါ။

သင်္ခါရ ဆိုတာ အများနားလည်ထားသလို ပြောင်းလဲခြင်းလို့  မှတ်ပါ။ အားလုံးဟာ
အမြဲ ဆိုသလို ပြောင်းလဲ နေတာ သေချာပါတယ်။ ပြောင်းလဲခြင်းသည်ပင် သင်္ခါရ
အလုပ်လို့  မှတ်လို့  ရပါတယ်။

ပြောင်းလဲခြင်း အမျိုးမျိုး ရှိတာမှန်သော်လည်း အားလုံးဟာ ကိုယ့်အလိုကျ
ပြောင်းလဲတာမျိုး မဟုတ်ဘူး။ သူ့ အလိုလို သဘာဝ ကပင် ပြောင်းလဲ
နေခြင်းဖြစ်ပါတယ်။

ကိုယ်က အားလုံးဟာ သင်္ခါရဘဲလို့  နားလည်ထားပေမယ့် ကောင်းတာလေးကိုတော့
ဘယ်သူမှ ပြောင်းလဲ မသွားစေချင်။ မကောင်းတာလေးကိုတော့ အမြန်လေး
ပြောင်းလဲ စေချင်ပါတယ်။

သင်္ခါရသာ ကိုယ့်အလို ကိုယ့်အတ္တဖြစ်ခဲ့ရင် သင်္ခါရလဲ အာဗာဓ ပျက်စီးမှာ မဟုတ်ဘူး၊
ကောင်းတာလေးပဲ ဖြစ်ပါစေ ပြောင်းလဲပါစေ ၊ မကောင်းတာ မဖြစ်ပါစေနဲ့ 
မပြောင်းလဲပါစေနဲ့ လို့  ကိုယ့်အလိုအတိုင်း ဖြစ်နိုင်လောက်တယ်။

ခုတော့ ကောင်းတာကလည်း ကိုယ့်အလို အတိုင်း မဖြစ်နိုင်သလို မကောင်းတဲ့
သင်္ခါရလည်း ကိုယ့်အလို ကိုယ့်သဘော မဖြစ်နိုင်။ အဲသလို မဖြစ်နိုင်လို့ မို့ 
ကောင်းတဲ့ သင်္ခါရ အမြဲတည်ပါစေ၊ မကောင်းတဲ့ သင်္ခါရမျိုး ပြောင်းလဲ ပါစေလို့
ပြောလို့  မဖြစ်တာပါ။

ဒါကြောင့်မို့ လဲ သင်္ခါရ ဟာ အနတ္တလို့  ဆိုရပြန်တယ်။

စကားညှပ်။ ။
အဲ တရားတော်ကို ရှင်းပြနေခိုက်မှာ အရှင်ဘုရား ဒီပါဠိတွေက တစ်မျိုး အရင်က
ပါဠိတွေနဲ့ မတူဘူးတဲ့။ ရှေ့ ပါဠိတွေတုန်းက အဘ၀ိဿ ခု ဒီနေရာမှာ အဘ၀ိဿံသု ။
ပြီးတော့ ဘုရားသံဝတ္တေယျ သံဝတ္တေယျုံ ၊ ဟောတု ဟောန္တု စတာတွေက စာရိုက်
မှားတာလား ဘုရားတဲ့။ ဘာလို့ အဲလို ဖြစ်သွားတာလဲ။

သင်္ခါရတွေက ဗဟုဝုစ် အများကိန်းမို့  ကတ္တား ပုဒ်နဲ့ ကိုက်ညီအောင်
ကြိယာက ဗဟုဝုစ် အများကိန်းပြောင်း ထားတာဖြစ်ပါတယ်။
ရှေ့ က ရူပံ ဝေဒနာ သညာ တွေက ဧက၀ုစ် အနည်းကိန်းလို့ မှတ်ပါ။
သတိထားတော့ သိတာပေါ့လေ။
ပြီးတော့ မေးလိုက်တော့ အော် ဒီလိုလား ဆိုပြီး ရှင်းသွားတာပေါ့လေ။
ရှင်းသွားပြီနော်...။ မှန်ပါ့ ဘုရား။


( ၆) ၀ိညာဏက္ခန္ဓာ အနတ္တ ဖြစ်ပုံ

ဝိညာဏံ အနတ္တာ- ၀ိညာဏ်သည် အနတ္တ ဖြစ်ပါတယ်။

ဝိညာဏ် = ၀ိဥာဉ် ဆိုတာ စိတ်ပါ။ စိတ်ဆိုတာ အမျိုးမျိုး ပြောင်းလဲတာကတော့
လူတိုင်းပဲ သိနေကြပါတယ်။ မြင်မှု ကြားမှု နံမှု စတဲ့ အာရုံ အလျောက် စိတ်က
ပြောင်းလဲပါတယ်။

ဥပမာ ဘုရားဝတ်ပြုစဉ် ကောင်းတာလုပ်နေပေမယ့် ဆူညံဆူညံ ပတ်ဝန်းကျင်ကြောင့်
စိတ်က ကောင်းတဲ့ စိတ်မှ မကောင်းတဲ့ စိတ်ဝင်လာတတ်တယ်။ နောက်ပီးတော့
ဈေးအရောင်း အ၀ယ် လောဘနဲ့  လုပ်နေတယ် ဆိုပေမယ့် ကောင်းတဲ့ စိတ်လေးက
ဒီအမြတ်ကလေး ငါ ဘယ်နေရာ အသုံးချလိုက်မယ်လို့  ကောင်းတဲ့စိတ်ဖြစ်လာတယ်။

ဘယ်သူမဆို ကောင်းတဲ့စိတ်လေးကြောင့် ကောင်းတဲ့ ပျော်ရွှင်ငြိမ်းချမ်းမှု ရတတ်ပါတယ်။
မကောင်းတဲ့ စိတ်ကြောင့် မကောင်းတဲ့ စိတ်ဓာတ်ကျမှုမျိုး ပြဿနာတက်တာမျိုး ဖြစ်လာ
တာတွေ့ ရမှာ ဖြစ်တယ်။

စိတ်ဟာလဲပဲ အမြဲ ပြောင်းလဲနေတာတော့ သေချာပါတယ်။ကိုယ်မပိုင်ဘူးပေါ့။
ငါ့ စိတ်လေး ကိုယ့်အတ္တ ကိုယ့်အလို အတိုင်းသာ ဖြစ်မယ် ဆိုရင်
ကိုယ့်ဖြစ်ချင်တဲ့အတိုင်းဖြစ်မယ်၊ စိတ် ပျက်စီးသွားတာမျိုး မဖြစ်နိုင်ဘူး။

ခုတော့ ငါ့စိတ်လေး ကောင်းတာလေးတွေ ဖြစ်ပါစေ၊ မကောင်းတာ တစိုးတစိမှ
ပေါ်မလာပါစေနဲ့ လို့  အဲသလိုမျိုးလည်း မဖြစ်နိုင်ဘူး။

ဒါကြောင့် စိတ်ဆိုတာ အာဗာဓ ပျက်စီး ပြောင်းလဲ သွားတာ သဘာဝပါ။ ပျက်စီး
ပြောင်းလဲတတ် သဘာဝမို့  ငါ့ စိတ်လေး ဒီလို ဖြစ်ပါစေ ၊ ငါ့စိတ်လေး ဒီလို
မဖြစ်စေနဲ့  လို့  စိတ်အလိုအတိုင်း မဖြစ်တာပါ။

စိတ်ဟာလည်း အနတ္တ ဆိုတာ ထင်ရှားသွားပြီပေါ့။



မြတ်ရောင်နီ
( ၁၅ ၊ ၀၆ ၊ ၂၀၁၀ )


ဒီနေရာကလေးမှာ ရေးပါ..

အနတ္တ လက္ခဏသုတ်

အနတ္တ လက္ခဏသုတ်

( အဆက် )


( ၃) ဝေဒနာက္ခန္ဓာ အနတ္တ ဖြစ်ပုံ

ဝေဒနာ အနတ္တာ- ဝေဒနာဟာ အနတ္တပဲ။

ဝေဒနာ ဆိုတာ ခံစားမှုပါ။ ခံစားမှု အမျိုးမျိုးရှိပါတယ် ။
ပျော်ရွှင်ခြင်းကိုလည်း ခံစားတယ်၊ စိတ်ပျက်ခြင်းကိုလည်း ခံစားတယ်။
ပျော်တယ် စိတ်ပျက်တယ်တော့ မဟုတ်ဘဲ ကြားအနေနဲ့  ခံစားတယ်။

လူတိုင်းက ပျော်ရွှင်မှုကိုဘဲ ခံစားချင်ကြပါတယ်။ စိတ်ပျက်မှုခံစားရလာပြီ
ဆိုတာနဲ့  ငါ့စိတ်လေး အမြန်ပျော်ရွှင်ပါစေ ဆိုတဲ့ ပျော်ရွှင်မှုကို လိုလား
ကြပါတယ်။ အဲသလို ဖြစ်နေချိန်မှာ ပျော်ရွှင်မှုကို ငါက ရချင်လိုက်တာ
စိတ်ပျက်တာတွေ ဝေးဝေး ပြေးပါတော့လို့  ကိုယ်စိတ်အလိုတိုင်း မဖြစ်ဘူး။

ပြီးတော့ ပျော်ရွှင်မှုလေးတွေနဲ့  ရရှိလာတဲ့ အခါမှာလည်း ဒီလို ပျော်ရွှင်မှုမျိုး
အမြဲတမ်း ရချင်လိုက်တာလို့ ၊ ပျောက်မသွားပါစေနဲ့ လို့  ကိုယ့်အလိုတိုင်းလည်း
မဖြစ်ပြန်ဘူး။

ပျော်ရွှင်မှုပဲ ဖြစ်ဖြစ် စိတ်ပျက်မှုပဲ ဖြစ် အမြဲတမ်းတော့ တည်မြဲပြီး ကိုယ်အလိုအတိုင်း
မဖြစ်တာကတော့ သေချာတယ်။ အဲလို မဖြစ်တာကိုက အာဗာဓ ပျက်စီးခြင်း သဘောပဲ။

ရုပ်တုန်းကလိုပဲပေါ့။ ခံစားမှု ဝေဒနာမှာလည်း ကိုယ်ဖြစ်ချင်သလို ကိုယ့်အလိုအတိုင်းသာ
ဖြစ်ခဲ့ပါရင် ခံစားမှုဝေဒနာ အာဗာဓ ပျက်စီးဖွယ်ရာ မဖြစ်နိုင်ဘူး။ ငါ့ ခံစားမှုလေးတွေ
ဒီလို သာ ဖြစ်ပါစေ ၊ ဒီလို မဖြစ်ပါစေနဲ့ လို့  ပြောလို့ ရမှာ သေချာပါတယ်။

ခုတော့ကား ကိုယ့်အလို ကိုယ်စိတ်တိုင်းကျ မဖြစ်နိုင်လို့ သာ ခံစားမှု ဝေဒနာတွေ
ဟာလည်း အာဗာဓ ပျက်စီးကြရတော့တာပါ။ ဒါကြောင့်လည်းပဲ ငါ့ ခံစားမှုလေးတွေ
ဒီလို ဖြစ်ပါစေ ၊ ဒီလို မဖြစ်ပါစေနဲ့ လို့  ပြောမရခဲ့တာပေါ့။

ဒီလိုနဲ့ ပဲ ခံစားမှု ဝေဒနာကို ကိုယ့်အလိုတိုင်း ကိုယ့်စိတ်ကြိက် မဖြစ်နိုင်တာမို့ 
ဝေဒနာ အနတ္တ လို့  ဆိုတာပဲ ဖြစ်ပါတယ်။

( ၄ )သညာက္ခန္ဓာ အနတ္တ ဖြစ်ပုံ

သညာ အနတ္တာ- သညာဟာ အနတ္တ ဖြစ်ပါတယ် ။
ဟုတ်ပါတယ်။ သညာဟာ အနတ္တ ဖြစ်တယ် ဆိုတာ ပိုထင်ရှားမည် ထင်တာပဲ။
မှတ်သားတာကို သညာလို့  ခေါ်ပါတယ်။ သညာဟာ သူ့ အလုပ်ဖြစ်တဲ့ မှတ်သား
မှုကို ကောင်းတာ ဖြစ်ဖြစ်၊ မကောင်းတာ ဖြစ်ဖြစ် မှတ်သားလေ့ ရှိပါတယ်။

လူတိုင်း ဆိုသလို မှတ်သားမှု သညာကို ပျောက်ပျက်စေချင်တာ ရှိသလို
မပျောက်ပျက်ချင်တဲ့ အမှတ်သညာ၊ အမှတ်သင်္ကေတ လည်း ရှိကြပါတယ်။

အဲဒီသညာ အားလုံးဟာ ကိုယ့်အလို ကိုယ့်သဘော ဘာမှ ဖြစ်ချင်သလို
ဖြစ်လို့ မရနိုင်ပါ။ အဲသလိုမျိုး ဖြစ်ချင်သလို ဖြစ်လို့  မရတာကိုပဲ သညာရဲ့ 
အနတ္တ ဖြစ်တယ် လို့  သိထားရမှာ ဖြစ်ပါတယ်။

ဆိုပါစို့ ။ စာကျက်တယ်၊ မှတ်သားရတာပဲ။ ဒီနေ့ ကျက်ထားတဲ့စာ နောက်နေ့ 
မမေ့ရင်ကောင်းမှာပဲ။ ဒါမှ မဟုတ် တစ်ခါ ကျက်ပြီး ပြန်မကြည့်ရအောင် မှတ်မိ
နေရင် ကောင်းမှာပဲလို့  ၊ ဒါဆိုရင် စာမေးပွဲ အဆင်ပြေမယ်။ ကိုယ့်ဖြစ်တဲ့အတိုင်းကို
ဖြစ်မယ်။ သို့ ပေမယ့် ဘယ်သူမှ သညာကို မပျောက်ပျက်ပါစေနဲ့ လို့  ထိန်းသိမ်း
ထားလို့  မရ။

တစ်ခါတစ်လေ အညိုးတေးဖြစ်တဲ့ နားကျည်းမှု အမှတ်သညာ ၊ အမှတ်သည်းခြေ
ဆိုတဲ့ သညာဟာ စဉ်းစားလိုက်တိုင်း ကိုယ့်ကို ပူလောင်စေတယ်ဆိုပါတော့။
ဒီလို ပူလောင်ရင် ဘယ်သူမှ အဲလို သညာမျိုး ရှိချင်ကြမှာ မဟုတ်ပါဘူး။

တကယ်လို့ များ မှတ်သားမှု သညာဟာ ကိုယ့်အလိုအတိုင်း ဖြစ်နိုင်ရင်
အဲဒီလိုမျိုး အာဗာဓ ပြောင်းလွဲခြင်း ပျက်စီးခြင်း အာဗာဓ မဖြစ်နိုင်။
ကောင်းတဲ့သညာသာ အမြဲမှတ်သားမိစေ၊ မကောင်းတဲ့သညာတွေ အမြန်ဆုံး
မေ့ပစ်နိုင်ပါစေ လို့  ပြောတဲ့ အတိုင်းသာ ဖြစ်နိုင်မှာပါ။

ခုတော့ကား ဘယ်သညာမျိုးကိုမှ ငါ ဖြစ်ချင်တဲ့ သညာ မဖြစ်နိုင်။
ဒါကြောင့်ပဲ အမျိုးမျိုး ပြောင်းလွဲခြင်း ပျက်စီးခြင်း အာဗာဓ ဖြစ်ရပါတယ်။

ကောင်းတဲ့ မှတ်သားမှု သညာသာဖြစ်ပါစေတော့၊ မကောင်းတာမှတ်သား
ထားတာတွေ မေ့ပါရစေ ၊ ပျက်စီးပါစေ ၊ မဖြစ်ချင်ပါ လို့  ကိုယ့်စိတ်ထင်တိုင်း
သညာများဟာ မဖြစ်တာ သေချာတယ်။

ဒီလိုနဲ့  သညာဟာလည်း ကိုယ်ဖြစ်ချင်တဲ့ အတိုင်း မဖြစ်နိုင်တာမို့  သညာဟာ
အနတ္တ လို့  မှတ်သား ရမှာ ဖြစ်ပါတယ်။

ဆက်လက် ဖေါ်ပြပါမည်။

မြတ်ရောင်နီ
( ၁၃ ၊ ၀၆၊ ၂၀၁၁ )

ဒီနေရာလေးမှာ ရေးပါ..

အနတ္တ လက္ခဏသုတ်

အနတ္တ လက္ခဏသုတ်
( အဆက် )

၂ ) ရူပက္ခန္ဓာ အနတ္တ ဖြစ်ပုံ

ရူပံ ဘိက္ခဝေ အနတ္တာ - ဘိက္ခုတို့  ရုပ်တရားဟာ အနတ္တပဲ။

ဘယ်လို အနတ္တ ဖြစ်သလဲစဉ်းစားကြရအောင်။ အနတ္တ ဆိုတဲ့ ပုဒ်က ဂရမ်မာ လို ပြောမယ်
ဆိုရင် အန် + အတ္တ ပဲ ။ အတ္တ ဆိုတဲ့  ပုဒ်ကို အင်္ဂလိပ်ဘာသာပြန်သူတွေက soul , self ,
စတာတွေ ဘာသာပြန်ကြတယ်။ အနတ္တ ကိုတော့ Nonself , Nosoul လို့ 
ဘာသာပြန်ကြတယ်။ သူတို့  ပြောတဲ့ အင်္ဂလိပ်ကိုတော့ ကိုယ်က ကျွမ်းကျင်ဘာသာ
မဟုတ်တော့ အတိကျမသိဘူး။

မြန်မာလိုသင်ထားလေ့လာဖူးတာကတော့ မြန်မာလို ဘာသာပြန်ကြတာက
အနတ္တ အစိုးမရတဲ့။ အဲဒါကိုတော့သဘောကျပါတယ်။ ရှေးဆရာတော်များ
အစဉ်အဆက် ဒီလိုပဲ ဘာသာပြန်ကြတာကို။

ပြီးတော့ ဒီသုတ်ထဲမှာ ပါတဲ့ ပါဠိတော်စာသားများကို ဖတ်ကြည့်လေ့လာဦးစို့ ။

ရူပဉ္စ ဟိဒံ ဘိက္ခဝေ အတ္တာ အဘ၀ိဿ ၊ နယိဒံ ရူပံ အာဗာဓာယ သံဝတ္တေယျ။
ရုပ်တရားဟာ အတ္တဖြစ်ခဲ့ရင် ရုပ်တရားဟာ အာဗာဓ ဖြစ်နိုင်စရာ အကြောင်းမရှိတဲ့။

ဒီနေရာမှာလည်း သိထားရမှာက ရုပ်လို့  ပြောလိုက်ရင် ကိုယ်ခန္ဓာ လို့ 
မြင်တတ်ကြတယ်။ မှန်တော့ မှန်တယ်။ အတိကျတော့ မဟုတ်နိုင်။
ဒီအခန်းထဲမှာ ရှိတဲ့ စားပွဲ ကုလားထိုင်မှအစ ပစ္စည်း ပစ္စယ အားလုံးဟာ ရုပ်တရားပဲ။
ဒါ နားလည်သလို ပြောတာပါ။

အနောက်တိုင်းသား ဘာသာပြန်ဆရာတော်တို့ က နာမ်ရုပ် ဆိုရင်
Mind and body.ပြီးတော့ ရုပ်ကိုကျတော့ form လို့  ဘာသာပြန်တာလည်း
တွေ့ ဘူးရဲ့ ။ ဘယ်လိုပဲ ဘာသာပြန်ပါစေ မြန်မာလိုပဲ ကိုယ်သေချာသိဖို့ လိုတယ်။
တကယ်နားလည် သဘောပေါက်ဖို့ လို ပါတယ်။ ဒါက ဗဟုသုတ အဖြစ်ပြောတာပါ။

ဒီနေရာမှာ ရုပ်တရားဟာ အတ္တ ဖြစ်ခဲ့ရင် အာဗာဓ ဖြစ်နိုင်စရာ အကြောင်းမရှိ တဲ့။
အာဗာဓကိုလည်း အနာရောဂါ ဖြစ်နိုင်စရာ အကြောင်းမရှိလို့  ဘာသာပြန်ခဲ့ရင်
ခန္ဓာကိုယ် တစ်ခုဘဲ အနာရောဂါ လို့  ဘာသာပြန်နဲ့  သင့်လျော်မယ်။ စားပွဲ
ကုလားထိုင် ပျက်စီးတာကို အာဗာဓ အနာရောဂါ လို့  မြန်မာစကားမှာ ပြောလေ့
ပြောထမရှိကြဘူး။ ပျက်စီးသွားပြီ၊ စုတ်ပျက်သွားပြီ လို့ ပဲ ပြောကြတယ်။

ဒါကြောင့်မို့  အာဗာဓ ဆိုတာ ပျက်စီးခြင်းလို့  ထင်မြင်ယူဆမိပါတယ်။ ဒါမှလည်း
မကျန်းမာတဲ့အခါ ကောင်းတဲ့ ခန္ဓာကိုယ်ကြီး ပျက်စီးသွားတာပေါ့လေ။

လဗ္ဘေထ စ ရူပေ ဧ၀ံ မေ ရူပံ ဟောတု ၊ ဧ၀ံ မေ ရူပံ မာ အဟောသီ- တိ ။
ရုပ်သာ အတ္တ ဖြစ်ခဲ့ရင် ငါ့ရုပ်တရား ဒီလို ဖြစ်ကွယ်၊ ငါ့ရုပ်တရား ဒီလို မဖြစ်နဲ့ 
လို့  ပြောရမှာပေါ့။

ကိုင်း ကြည့်လေ ပစ္စည်း ပစ္စယဆိုတဲ့ ရုပ်တရား အသာထာလိုက်ဦး၊ ခု ဒကာမကြီး
ဥူးဇင်း လာတဲ့ နေ့ က နေကောင်းကျန်းမာတယ်။ ခု မိုးမိတာနဲ့  ဖျားနာနေတယ်
မဟုတ်လား၊ ဒီလို ဖျားနာတာဟာ ခန္ဓာကိုယ် အကောင်းကနေ ပျက်စီးတာပဲ။
ဒီလို ပျက်စီးမှုမျိုးကို မလိုချင်ဘူးလေ။ ငါကျန်းမာရေး အကောင်းလေးပဲ
ဖြစ်ပါစေ ၊ ချက်ချင်း ပျောက်ဆိုလို့  မရဘူးမဟုတ်လား။ ရုပ်သာ အတ္တ ဆိုလို့ ကတော့
ခုချက်ချင်း ထပျောက်ပါစေ ဆိုပြီး ကျန်းမာရေးကောင်းလာနိုင်တယ်။ ပြီးတော့
နေမကောင်း မကျန်းမာတာ လုံးဝ မလာပါစေနဲ့  ပြောလို့ ရမယ်။
ရုပ်သာ အတ္တ ဆိုခဲ့ရင်ပေါ့နော်။

( မှတ်ချက်။ ။ ဒီသုတ်ကို စတင်နာယူသည့်နေ့ က
ဒကာမကြီး တစ်ယောက် အနည်းငယ် ဖျားနာနေ၏)

ယသ္မာ စ ခေါ ဘိက္ခဝေ ရူပံ အနတ္တာ၊ တသ္မာ အာဗာဓာယ သံဝတ္တတိ။
ရုပ်တရားဟာ အနတ္တ ( ကိုယ့်အလို အစိုးမရ ) မို့  အာဗာဓ ကျန်းမာရေးပျက်တယ်
ဆိုတာ ဖြစ်လာတယ်။

န စ လဗ္ဘတိစ ရူပေ ဧ၀ံ မေ ရူပံ ဟောတု ၊ ဧ၀ံ မေ ရူပံ မာ အဟောသီ- တိ။
ငါ့ ကိုယ်ခန္ဒာ ဟာ ကျန်းကျန်းမာမာပဲ ရှိပါစေ ၊ မကျန်းမမာ မရှိပါစေနဲ့ လို့ လည်း
ပြောလို့ ကို မရပါဘူး ။

ဒါကို ကြည့်ခြင်းအားဖြင့် အနတ္တ ဆိုတဲ့ ပုဒ်ကို အစိုးမရ၊ ကိုယ့်အလိုအတိုင်းမဖြစ်၊
ကိုယ်မပိုင်ဆိုင်လို့ သိထားတာက ပို အဆင်ပြေဖွယ်ရှိပါတယ်။

ကိုယ့်အလိုအတိုင်းဖြစ်မယ် ၊ ကိုယ်ပိုင်ဆိုင်ခဲ့ရင် ကိုယ့်လက်ခုပ်ထဲကရေ
သွန်ချင်သလိုသွန် ၊ မှောက်ချင်သလို မှောက်လို့  ဖြစ်နိုင်ပါတယ်။ ခုတော့ကား မရ။
ဒီလိုဆိုတော့ ရုပ်တရားဟာ အနတ္တ ၊ ရုပ်တရားဟာ ကိုယ်မပိုင် လို့  မှတ်ပါလေ။

( ၃) ဝေဒနာက္ခန္ဓာ အနတ္တ ဖြစ်ပုံ

ဝေဒနာ အနတ္တာ- ဝေဒနာဟာ အနတ္တပဲ။
ဝေဒနာ ဆိုတာ ခံစားမှုပါ။ ခံစားမှု အမျိုးမျိုးရှိပါတယ်။


ဆက်လက် ဖေါ်ပြပါမည်။။




မြတ်ရောင်နီ

( ၁၃ ၊ ၀၆ ၊၂၀၁၁ )

ဒီနေရာကလေးမှာ ထည့်ချင်တဲ့ code ကလေးကို ရေးပါ..

အနတ္တ လက္ခဏသုတ်

အနတ္တ လက္ခဏသုတ်

( သုတ်ကို မြန်မာပြန် သက်သက် မဟုတ်ဘဲ စကားပြောတဲ့အတိုင်း ရှင်းပေးတဲ့အတိုင်း
လွတ်လွတ်လပ်လပ် နားလည်သင့်သည်များကို ထည့်စွက်ကာ ရေးသားထားပါတယ်)။

နမော တဿ သုံးခေါက် ဆိုပြီး စလိုက်ကြရအောင်။

နမော တဿ ဘဂ၀တော အရဟတော သမ္မာသမ္ဗုဒ္ဓဿ
နမော တဿ ဘဂ၀တော အရဟတော သမ္မာသမ္ဗုဒ္ဓဿ
နမော တဿ ဘဂ၀တော အရဟတော သမ္မာသမ္ဗုဒ္ဓဿ

ဘာပဲ လုပ်လုပ် ဗုဒ္ဒဘာသာဝင်တို့ အဖို့  နမောတဿ သုံးကြိမ် ရွတ်ပြီး အခန်းနား
စတာဟာ ဓမ္မတာ တစ်ရပ်ပင် ဖြစ်ပါတယ်။ သင်တန်းစတာ၊ တရားပွဲစတာ ၊ အစ
သေးသေးမွှားမွှား တို့ ကိုပင် နမော တဿ သုံးခေါက် ရွတ်ဆိုကြပါတယ်။

အတိုဆုံး ဘုရား ရှိခိုလည်း ဖြစ်ပါတယ်။ နမော ဆိုတာ ရှိခိုးတာပါ။ ဒါကြောင့်လည်း
့ ဆင်တူ ဖြစ်တဲ့ စကားလုံးများ အိန္ဒိယ လူမျိုးတို့ က နမသ်စတေ့ ၊ ထိုင်းလူမျိုးတို့ က
နမဿကံ (ခရပ် )လိုဆိုပြီး ဘုန်းကြီးများကို ပြောဆို ရှိခိုးလေ့ကြတာပါ။

ဟို တုန်းက ကြားဘူးသေးးတယ်။ ဆရာ ဘုန်းကြီးက မောင်ရင်လောင်းကို နမော တဿ
သုံးကြိမ် ရွတ်ဆိုလို့  ကိုရင် ၀တ်ခါက မောင်ရင်လောင်းက နမော တဿ နမော တဿ
နမော တဿ တဲ့။ အော် ဖြစ်ပုံက အဲလို။ ဆရာကတော့ ရယ်လည်းရယ်တယ်၊ ၊ပြန်ပီးလည်း ပြင်ပေးခဲ့ရတာပေါ့လေ။

ပြီးတော့ နမော တဿ ဘဂ၀တော အရဟတော သမ္မာသမ္ဗုဒ္ဓဿ မှာ သမ္မံ သမ္ဗုဒ္ဓဿ လို့ 
အများအားဖြင့် ကြားရတတ်ပါတယ်။မသိသူ လူအများက ဆိုလေ့ရှိကြပါတယ်။
အဲဒီအထဲမှာ ကိုရင် ပေါက်စလေးတွေ ၀တ်ခါစလေးတွေပေါ့လေ။
အဲလို သမ္မံ သမ္မံ လို့ ပဲ ဆိုတတ်ကြတယ်။

ဒါကြောင့်မို့  ကိုယ်ကလည်း မှတ်မိလွယ်စေပါဆိုပြီး ကိုရင်တွေကို သင်တဲ့အခါ
သံချောင်းက သံက မာလား ပျော့လား လို့ ကိုရင်တွေကို မေးတယ်လေ။

ဒါနဲ့  ကိုရင်လေးများက မာတယ်ဘုရားတဲ့။ သံမာ တယ်နော်။ တင်ပ ဘုရား။ အေးကွယ် ။
သံမာ သလို သမ္မာသမ္ဗုဒ္ဓဿ လို့  အသံထွက်ကွာ လို့ အကြိမ်ကြိမ် သင်ပေးခဲ့ဘူးပါတယ်။
သူတို့  မံ မဆိုတော့ ဘဲ မာ သွားကြပါတယ်။

ကဲ ပြန်ဆိုကြည့်ပါလား၊
နမော တဿ ဘဂ၀တော အရဟတော သမ္မာသမ္ဗုဒ္ဓဿ ( သုံးခေါက် )

ဒီ သုတ်ကို မစမီ နမော တဿ ကို စတင်ပြီး တရားနာသူ အပေါင်းတို့ ကို နားလည်စေရန်
နိဒါန်းပျိုး ဘုရားရှိခိုးခဲ့ပါတယ်။ ( ၁၁ ၊ ၀၆၊ ၂၀၁၁- ညချမ်း )

အနတ္တ လက္ခဏသုတ် အမွှန်း

( က ) ( မြတ်စွာဘုရား ဟာ ) ဓမ္မစကြာ တရားတော်ကို ဗာရာဏသီပြည်ရဲ့ အနီး
ဣသိပတနခေါ်တဲ့ တောအုပ်မှာ ၀ါဆိုလပြည့်နေ့ မှစပြီး စတင် ကာ
ဟောတော်မူခဲ့ပါတယ်။

(ခ) နေ့ စဉ်ဆိုသလို ဟောကြားလိုက်တာ ၅ရက်မြောက်တဲ့နေ့ အထိ ပဉ္စ၀ဂ္ဂီ ၅ပါးလုံး
အာဒိဖလ သောတာပန်တွေ ဖြစ်သွားကြပါတယ်။လပြည့်ကျော် ၅ရက်နေ့ မှာတော့
ဝိမုတ္တ- ဘ၀မှလွတ်မြောက်ဖို့  အနတ္တ လက္ခဏသုတ် ဟောတော်မူခဲ့ပါတယ်။ ဒီသုတ်ကို
ပြောကြား ရွတ်ဖတ်ကြားကြပါကုန်စို့ ။

(၁ ) အနတ္တ လက္ခဏသုတ် နိဒါန်း

ဧ၀ံ မေ သုတံ- တပည့်တော် မြတ်စွာဘုရား သက်တော်ထင်ရှားရှိစဉ်က ဒီလို ကြားဘူး မှတ်ဘူး ဆောင်ထားခဲ့ဘူးပါတယ်။

ဒီစကားက အရှင် အာနန္ဒာ ဆရာတော်ဘုရားကအရှင် မဟာကဿပ ဆရာတော်
ဘုရားကြီးကို ပထမ သင်္ဂါယနာ မထေရမြတ်တို့  ရှေ့ မှောက်မှာရွတ်ဆို လျှောက်ထားခဲ့တဲ့
စကားရပ်ဖြစ်ပါတယ်။သုတ္တန်တော်တော်များများရဲ့  အစမှာ တွေ့ ရပါတယ်။

ဟိုအခါတစ်ပါးဆီက မြတ်စွာဘုရားရှင် ဗာရာဏသီပြည်ရဲ့ အနီး ဣသိပတန ခေါ်တဲ့
မိဂဒါဝုန် (သားသမင်ပေါတဲ့ တောအုပ်) မှာ သီတင်းသုံး နေထိုင်တော်မူခဲ့ပါတယ်။

အဲဒီအချိန် ပဉ္စ၀ဂ္ဂီ ၅ပါးလုံး သောတာပန်တည်ပြီးကာစ မှာပေါ့။ အနီးမှာရှိတဲ့ သူတို့ ကို
အထက်မဂ်အတွက် ဒီ သုတ်ကို ဟောဖို့ ရာဘုရားရှင်စကားလမ်းကြောင်း စခဲ့ပါတယ်။
ဘိက္ခဝေ - ဘိက္ခု တို့  လို့  ခေါ်လိုက်တာပါ။

ဒီလို စခေါ်လိုက်တာဟာလည်း ဘုရားရှင် ပြောမည့် စကားကို သတိရှိ ဟောမည့်တရားကို
လေးလေးစားစား စိတ်ဝင်စားစေဖို့ ရာ ပြောတာ ဖြစ်ပါတယ်။ ခု ခေတ်လူတွေ အချင်းချင်း
ဆိုရင် ဒီမှာကိုယ့်လူ ၊ အခန်းနားဆိုရင် ကြွရောက်လာကြတဲ့ ဂုဏ်ကျက်သရေရှိ
.....လိုပဲပေ့ါ။ နိုင်ငံခြားမှာ လေဒီစ် အဲန် ဂျန်ဒယ်မန်း ဆိုတာမျိုးလို လို့  ပဲ တွေးမိပါတယ်။

ပဉ္စ၀ဂ္ဂီ ၅ပါးလုံး ကလည်း ဘဒန္တေ မှန်ပါ အရှင်ဘုရား လို့  လျှောက်ကြပါတယ်။
မြတ်စွာဘုရားက စကားစလိုက်တာကို အသင့်နားထောင်လျက်ရှိကြောင်း ဆိုတဲ့
သဘော စကားတုံ့ ပြန် လျှောက်တားတာပါ။

ဒီနေရာမှာ မှတ်သားသင့်တာက ဘဒန္တ ဆိုတဲ့ ပုဒ်ပါပဲ။ ဘဒ္ဒန္တ ဆိုတဲ့ ဒထွေး
နှစ်လုံးဆင့်လည်း ရှိတတ်တယ်။ ၂ပုဒ်စလုံး အနက်တူ ပရိယာယ်ပုဒ်တွေပါ။

ပါဠိနဲ့  မရင်းနီးသူများက ခုခေတ် ဘုန်းကြီးများ ဘွဲ့ ရှေ့ က ဘဒ္ဒန္တ ထည့်ထား တာတွေ့ ရင်ဆက်ကပ်ခြင်းခံထားရတဲ့ဘွဲ့ ထင်သွားတယ်။ တကယ်တော့ ဘဒ္ဒန္တ အာနန္ဒ
အရှင်ဘုရား အာနန္ဒာ ၊အရှင်အာနန္ဒာလို့ ဘာသာပြန်ရပါမယ်။ ပါဠိတော်များမှာတော့
အာယသ္မာအာနန္ဒော တို့ လို့ ပဲ တွေ့ ရတတ်ပါတယ်။ ခု ပြောခဲ့တဲ့ အထက်ပါ
အကြောင်းရာများဟာ အနတ္တ လက္ခဏသုတ် နိဒါန်းစကားပျိုးများသာဖြစ်ပါတယ်။


ထို့ နောက်မှာမှ ဘဂ၀ါ ဧတဒဝေါစ- ဘုရားရှင်က ဒီလို ဟောတော်မူခဲ့တာပါ။

( ၂ ) ရူပက္ခန္ဓာ အနတ္တ ဖြစ်ပုံ

ရူပံ ဘိက္ခဝေ အနတ္တာ - ဘိက္ခုတို့  ရုပ်တရားဟာ အနတ္တပဲ။

ဘယ်လို အနတ္တ ဖြစ်သလဲစဉ်းစားကြရအောင်။ အနတ္တ ဆိုတဲ့ ပုဒ်က ဂရမ်မာ လို ပြောမယ်
ဆိုရင် အန် + အတ္တ ပဲ။


ဆက်လက် ဖေါ် ပြမည်။


မှတ်ချက်။ ။ ဘာလင်မြို့ နေ ဒကာဒကာမတို့ က အနတ္တ လက္ခဏသုတ်ကို နာယူ
ရှင်းလင်းပေးဖို့ ရန်လျှောက်ထားလေသောကြောင့် မြန်မာလို ကိုယ်နားလည် သလိုလေး
ရှင်းပြခြင်း ဖြစ်ပါသည်။

သိချင်လိုသော လူသူတော်စင် အများလည်း ပါဠိသာ အလွတ်ရနေပြီး အဓိပ္ပါယ် ဂဃနဏ
မသိသူတို့  လည်း အရိပ်မြွက် သိရှေိနိုင်စရန် ဘလော့ပေါ်တွင် ရေးသား ဖြန့် ဝေ
ပေးလိုက်ပါသည်။


မြတ်ရောင်နီ
( ၁၂ ၊ ၀၆ ၊ ၂၀၁၁ )

ဒီနေရာကလေးမှာ ရေးပါ..

ဘာလင်မြို့  ခရီး

ဘာလင်မြို့  ခရီး

ယခု မြတ်ရောင်နီ အရှင်သည် ဘာလင်မြို့  တွင် ရောက်ရှိနေပါသည်။
ဒကာ-ကိုအေးးမြင့် ၊ ဒကာမ-မနီလာသော် တို့  ၏ နေအိမ်တွင်
တည်းခို သီတင်းသုံးလျက် ရှိပါသည်။

ဘာလင်ြမို့  ခရီးမှာ ပထမဆုံး အကြိမ် ခရီး ဖြစ်ပါသည်။
ဂျူလိုင် ၁၀ ရက်နေ့ မှသည် ၁၃ ရက်ည အထိ ဘာလင်မြို့ တွင် ရှိနေပါမည်။
၁၄ရက် မနက်ခင်းဝယ် လေယာဉ်ဖြင့် မိမိနေရာ ဖရိုက်ဇင်းသို့  ပြန်ပါမည်။

ထိုအချိန်အတွင်း နေ့ ခင်းဝယ် ဘာလင်မြို့  အလှကို
၎င်းမိသားစုနှင့် အတူ နီးစပ်ရာရာ ဒကာ ဒကာမတို့ ၏
ပို့  ဆောင် လိုက်လံ ပြသမှုဖြင့် လှည့်လည် ကြည့်ရှု သွားပါမည်။

တရားကြောင်းရာ စပ်မိရာ အချိန်တွင်
တရားကြောင်းရာများ ရှင်းလင်း ပေးပါမည်။

ထို့  အပြင်-
ညအခါ အချိန်ပေးကာ တရားနာလိုသော်လည်းကောင်း
တရား ဆွေးနွေး မေမြန်း လျှောက်ထားလိုသော်လည်းကောင်း
အချိန်ပေးကာ ပြန်လည် ဆွေးနွေး၊ ဖြေကြားသွားပါမည်။

အားလုံးကို နွေးထွေးစွာ ကြိုဆိုလျက်

မေတ္တာ မုဒိတာဖြင့်


မြတ်ရောင်နီ
( ၁၀၊ ၀၆ ၊ ၂၀၁၀ )

ဒီနေရာမှာရေးပါ..

ကြေငြာဘလော့ဂ် တင်ပါသည်

ကြေငြာ ဘလော့ဂ်တင်ပါသည်

၁။ တိပိဋက ပါဠိတော် ရွတ်ဖတ် ပူဇော်ပွဲကြီး

တိပိဋက ပါဠိတော် ရွတ်ဖတ် ပူဇော်ပွဲကြီးကို
ဂျာမဏီနိုင်ငံ ဖရိုက်ဇင်းမြို့ တွင်
နေ့ စဉ် ရွတ်ဖတ် ပူဇော်သွားပါမည်။

၂။ သစ်မရတော့ ၀ါးဖောင်နှင့်ကွပ်ဆိုသလို

ယမန်နှစ်က ပါဠိတော် စာအုပ်များ မရှိသည့်အတွက်
ကွန်ပျူတာဖြင့် ၀ါတွင်းသုံးလကာလ
မဟာပဋ္ဌာန်း စာအုပ် ၅ အုပ်ကို ရွတ်ဖတ်ပူဇော်ခဲ့ပါသည်။

၃။ ဓမ္မဒါနအလှူရှင်များ

ယခုနှစ်တွင် ထိုအတွေ့ ကြုံများ ရှိခဲ့သည့်အတွက်ကြောင့်
မြတ်ရောင်နီ၏ ရဟန်းဒကာ ဒကာမများနှင့်
နီးစပ်ရာရာ စေတနာရှင် ဒကာ ဒကာမတို့ စုပေါင်းကာ
ပိဋကပါဠိတော် အုပ်၄၀ ၊ အဋ္ဌကထာ ၅၁အုပ်၊ ဋီကာ ၂၆ အုပ်
လှူဒါန်းထားပါသည်။

၎။ စာအုပ်များ တစ်ပြိုင်နက်မရောက်

၎င်းစာအုပ်များမှာ ယခုအချိန်ထိ တစ်ပြိုင်နက် မရောက်လာသေးပါ။
နဲနဲချင်း ရောက်ကာ၊
နှစ်လအတွင်း အကုန်ရောက်လာပါမည်ဟု သိရပါသည်။

၅။ ပိဋက လှူဒါန်း ပူဇော်ပွဲ

ထိုစာအုပ်များရောက်လာပါက
ပိဋက လှူဒါန်း ပူဇော်ပွဲကြီး ကျင်းပသွားပါမည်။



မှတ်ချက်။ ။ နတ်နှင့် တကွသော အို သူတော်ကောင်း အပေါင်းတို့ 
တိပိဋက ပါဠိတော် ရွတ်ဖတ် ပူဇော်ပွဲကြီး စတင် နေပါပြီ။
သာဓုလည်းခေါ် နာလည်း နာယူနိုင်ကြပါပြီ။




မြတ်ရောင်နီ
( ၀၄ ၊ ၀၆ ၊ ၂၀၁၁ )

ဒီနေရာကလေးမှာ ရေးပါ..