လေးပတ် လေးပတ် တဲ့

လေးပတ် လေးပတ် တဲ့

ဆောင်းပါး ခေါင်းစဉ်က ဖတ်မိလိုက်တာနဲ့  နှစ်လုံး ထီဝါသနာ ပါသူက ၀၄၊ ၄၀၊ ၁၄၊၄၁၊၂၄၊၄၂ ...၉၄၊ ၄၉စသဖြင့် ပတ်ပြီးလောက်ပြီ။ အစ အဆုံး စာကို သူက ဖတ်မှာ မဟုတ်ဘူး။ ဂဏန်း ဆိုရင် ပြီးတာပဲ။ ကြားတာ နဲ့ ပဲ လိုက်ထိုး တော့တာ။ ၀ါသနာကိုး။ ၀ါသနာဆိုတော့ အခက်သား။

ပြီးတော့- ကား သူရှေ့ က ဖြတ်သွားရင်လဲ ကားနံပါတ်ကြည့်လိုက်တယ်။ ကောက်ထိုးတာပဲ။ ရွာမှာ ဆိုရင်ပေါ့ လေ။ ကားက နဲနဲ ပါးပါး ရှိတာကို။

အဲ အိပ်မက်မက်လည်း ဘာက ဘယ်လို ဆိုပြီး ဂဏန်းထဲ ၀င်အောင် အတိတ် ကောက်လိုက်တယ်။ ပေါက်တာ မပေါက်တာ အသာထား ၊ သူ့ စိတ်ထင်တာ လုပ်တော့တာပါပဲ။ ငှက်တွေ တိရ စ္ဆာန်တွက စပြီး လှုပ်ရှားတာတွေကို ကြည့်ပြီးလည်း အတိတ်ကောက်တော့တာပဲ။

အဲလိုဘဲ အယူက စွဲမိရင် မှားတာ မှန်တာ မဝေဘန်နိုင်တော့ဘူး၊ ဆင်းရဲတာကို လွတ်မြာက်ဖို့ လုပ်ကျ တာလည်း တစ်ပိုင်းပေါ့။ ပုံမှန်လေးဆိုရင် ကြီးပွါးမှာမဟုတ်ဘူး နှစ်လုံးလေးက ဆူလွယ် နပ်လွယ် ဆိုဘဲ။ ၀ါသနာပါသူ စကားပေါ့။ ကုန်လွယ် ပြောင်လွယ်တော့ သူတို့ က မပြောကြဘူးဗျ။

အဲဒီလူတွေကို လိမ်တဲ့သူတွေက အကြိုက်တွေ့ တာပေါ့၊ တစ်နေရာမှာ ဂဏန်းပေးတယ်ကြားပြီး လူအများကြီးလာတဲ့ အခါ လူအမျိုးမျိုး ကို ဂဏန်းအမျိုးမျိုးပေးတော့ ပေါက်တဲ့သူက ဟုတ်တယ် ဟေ့၊ မှန်တယ် ဟေ့ လုပ်သွားတာလေ။

လိမ်တဲ့သူကလည်း လိမ်ချင်လို့ မဟုတ်လောက်ပါဘူး၊ လိမ်လို့ ရလို့ ၊ ပိုက်ဆံရလို့ ၊ စီးပွါးဖြစ်လို့ နေမှာ ပေါ့။ တစ်ချို့  အကြီးကျယ် မဟုတ်က ဟုတ်က ကိုယ်အင်္ဂါဖေါ်ပြပြီး လိမ်တာတောင် ရှိသတဲ့။ အဲဒါ ဘာဂဏန်းဘဲ ဆိုပီး လူတွေက အတိတ်ကောက်ကြလေသတဲ့။ တကယ့်အဖြစ်ပျက်ပါ။ ယုံကြတဲ့ သူတွေက အဲလို အသိကို မရှိပဲ ယုံကြတာ။ ဆိုးပါ့။ ခုတော့ အဲဒီသူ အလိမ်ပေါ်သွားလို့  ဆက်လိမ် မရတော့ပါဘူး။

နောက်ပိုင်း ဘယ်သူတွေ နိုင်သလဲ ဆိုတော့ ထိုးသား မဟုတ်တဲ့ ဒိုင်မဟုတ်တဲ့ သူတွေက နိုင်သွား တယ်။ ငွေရတာပေါ့လေ။ အကောက်ရတဲ့ သဘောပေါ့။ ကဲရှိစေတော့။

သူများ အကြောင်း ပြောချင်လို့  မဟုတ်ပါဘူး ၊ အဲလိုမျိုး ဂျာမဏီ ဂဏန်းတဲ့ ဟေ့ ဆိုပြီး နာမည်ကြီး မှာ စိုးလို့ ပါ။ ပေါက်ရင်တော်ရဲ့ ၊ ကိုယ်ကအချောင် နာမည်ရမယ်။ မပေါက်ရင် ပေါက်လိမ့်မယ်။ ဂဲနဲ့ ။ အဲ .. စာနဲ့ ။ ( အဟီး) ။

တကယ်တမ်း ခုဘ၀ ဒိဋ္ဌဓမ္မ မှာ ကြီးပွါးလိုလို့ 
လေးပတ်ချင်သူကတော့ -

၁။မှန်မှန်ကန်ကန် ထထကြွကြွ လုပ်ကိုင်ကြရမယ်လေး။
၂။ရရှိတဲ့ ပစ္စည်းဥစ္စာကို သေချာစွာ စုဆောင်းထားရမယ်လေး။
၃။မိတ်ကောင်းဆွေကောင်း ထားရမယ်လေး။
၎။အ၀င်အထွက်မျှတအောင် သုံးတတ်ရမယ်လေး။

( ပြောတဲ့အတိုင်း လုပ်ကြည့်ပါလေး။
ချမ်းသာကြမယ်လေး။)

အော်- နောက်ပြီး သမ္ပရာယိက ချမ်းသာအစစ်ကို
လိုချင်လို့  လေးပတ်ချင်ရင်တော့-

၁။ရတနာ့သုံးပါး၊ ကံ၊ကံ၏အကျိုးကို
ယုံကြည်ရမယ်လေး။
၂။သီလရှိကြရမယ်လေး။
၃။စွန့်ကြဲပေးကမ်းလှူဒါန်းမှုပြုပါလေး။
၎။သာမန်အသိမှ ၀ိပဿနာ၊
အရိယာ ဉာဏ်ရရှိအောင် လုပ်ပါလေး။

ခုဘ၀ နောက်ဘ၀ ၄ချက်စီသာရှိပါတယ်။
လေး- လို့  အဆုံးသတ်ထားတာက
တိုက်တွန်းခြင်း လေးပင် ဖြစ်ပါတယ်။
( အဋ္ဌက အဂုင်္တ္တရနိကာယ၊ စာ-၁၄၀၊၁၊၂)။

ဒီနေ့  ကိုယ့်ကိုပြောလိုက်တဲ့ လေးပတ်ဆိုသည်ကား-

ထိုင်း ဆွမ်းဒကာမလေး ဒေါ်စုံကြိုင်းရဲ့  လေးပတ်တည်း။ ဒေါ်စုံကြိုင်းဆိုတာက ဗုဒ္ဓဟူး နေ့ စဉ် သံဃာ ရှိသလောက် အလုံအလောက် ဆွမ်းနဲ့ ခဲဖွယ်ဘောဇဉ်တွေကို လောင်းလှူနေကြ၊ ပြုံးပြုံးပျော်ပျော်နဲ့  သဒ္ဓါကောင်းတဲ့ ဒကာမလေးပါ။ အရင်တစ်ပါတ်က ဒေါ်စုံကြိုင်း နောက်အပတ် နားတဲ့ ဒကာမပေါ့။

ခုလည်း လုံဖိ နောက်လေးပတ် ဘုရားတဲ့။ ဆွမ်းလောင်းတာ နားမယ်လို လျှောက်တာပါ။ တစ်လလို့  ဒီမှာ မပြော တတ်ကြတာလား မသိဘူး၊ မြန်မာတွေကလည်း လေးပတ်လို့  သုံးသုံးသွားတာ တွေ့ ရ တယ်။

ထိုင်းကို ပြန်လည်ပါဦးမယ်တဲ့။ ပြန်လာရင် ဖုန်းဆက်မယ်တဲ့လေ၊ စက်တင်ဘာ ၄ ရက်ထိဆိုပဲ။ ပြီးတော့ အားလုံး လျှောက်တာကို ရှင်းလား လုံဖိ တဲ့။

( စိတ်ထဲမှာတော့ မြန်မာတွေ ပြောနေကျစကားလို အ၀ှါ ရေချိုးတာထက်တောင် ရှင်းသေးလို့ ၊ ပြောလိုက်ချင်သေးတေယ်။ အဟီး။ )

ဟုတ်ပါပီ။ ရှင်းပါတယ်ဗျာ။ အားလုံး ပြောတာ နားလည်ပါတယ်ပေါ့။ အဲဒါနဲ့  သူက စူပါ လုံဖိတဲ့။ အော်... သူပြောမှဘဲ စူပါ လုံဖိ ဖြစ်တော့တယ်။

( စိတ်ထဲမှာ ကိုယ့်ချီးမွမ်းတာကို သိသိသာသာ သဘောကျမိရဲ့  ၊ ကောင်းတာပြောတာ ကြိုက်သ လောက်ပြော၊ အားမနာ တမ်းပြော)။

ကိုယ်လည်း သူ ခရီးသွားမှာဆိုတော့ ကောင်းသော ခရီး ဖြစ်ပါစေဗျာ ( ခရီးချောမွေ့ ပါစေ ) လို့  နှုတ် ဆက် ပြီး အလှူခံကာ ပြန်လာခဲ့ပါတယ်။

ကဲ အားလုံး ရှင်းကြပြီနော်၊ မြန်မာပြည်ကို အဆက်သွယ်ရှိလို့ များ လေးပတ် ကကောင်းတယ် လို့့ စကား လေး သွားမပြောလိုက်နဲ့ ။

ဆောင်းပါးက ကောင်းရင် ဆောင်းပါးလို့ ထည့်ပြောပါနော်။ ( အဟမ်း။ ) စကား အစအနလေး ကြားလို့  အတိတ်ကောက်ပြီး နှစ်လုံး ထီတွေထိုးပြီး နှလုံးရောဂါဖြစ်သွားမယ်။ ( ရှုံးလို့  ရှုံးလို့ )။

တကယ်တမ်း လေးပတ်စေချင်ရင်တော့ ချမ်းသာစေဖို့ ရာ ဘုရားနည်းလမ်းအတိုင်း လေးချက်ကို ပတ်မိ အောင် လုပ်ဖြစ်အောင် ပြောလိုက်ကြပါလေ။

ကိုယ့်ရဲ့ လေးပတ်ကတော့
ဗုဒ္ဓဟူးနေ့  ဆွမ်းခံ မသွားရခြင်းပါပဲ။


ဒေါ်စုံကြိုင်းရဲ့ 
လေးပတ်... လေးပတ်...
မေ့မှာစိုးလို့ - အရကျက်ထားရပေဦးမည်။

ကစား လေးပတ်ရှောင်၍
တရား လေးပတ်ဆောင် နိုင်ကြပါစေ။


မှတ်ချက်။ ။ ဆွမ်းခံ လေးပတ် ပိတ်ခြင်း
အမှတ်တရ ဆောင်းပါးပေါ့လေ။
လုံဖိ ဆိုတာက ဥူးဇင်း လို့ ထိုင်းလို သုံးနှုန်းတာပါ။

မြတ်ရောင်နီ
( ၀၅၊ ၀၈၊ ၂၀၁၀)

.