ဂျာမဏီမြေပေါ်က ခြေလှမ်းများ- ၁၁ အပိုင်း (ဂ)

မာဃ ပူဇာ

အပိုင်း( ဂ )

ဉတ္တိ စတုတ္ထကံ နဲ့  ရဟန်းဖြစ်ကြတဲ့ ခုခေတ်သံဃာတော်များ ဆိုတာက- ၁။ ၀တ္ထု သမ္ပတ္တိ- ၀တ္ထုရဲ့  ပြည့်စုံမှု၊ ၂။ ဉတ္တိ သမ္ပတ္တိ- ဉတ် ရဲ့  ပြည့်စုံမှု။ သီမာသမ္ပတ္တိ- သိမ် ရဲ့  ပြည့်စုံမှု။ ၄။ကမ္မ၀ါစာ သမ္ပတ္တိ- ကမ္မ၀ါစာ ရဲ့ ပြည့်စုံမှု။ ၅။ပရိသာ သမ္ပတ္တိ- ရဟန်းပရိသတ်ရဲ့  ပြည့်စုံမှု ဆိုတဲ့ ၅မျိုးနဲ့  ပြည့်စုံမှသာ ရဟန်း ဖြစ်တာပါ။

၁။ ၀တ္ထု သမ္ပတ္တိ- ၀တ္ထုရဲ့  ပြည့်စုံမှု၊= ၀တ္ထုနဲ့  ပြည့်စုံမှုဆိုတာ ရဟန်းဖြစ်မည့်သူက လူသား စင်စစ် ဖြစ်ရပါမယ်။ လူအစစ်ဖြစ်ရမယ်ပေါ့။ ဒါဆိုတော့ လူ အတု ရှိသေးလား မေးစရာ ရှိပါတယ်။ ဟုတ်ပါ တယ်။ လူအတုရှိလို့  လူအစစ်လား-လို့  မေးရတာပါ။ ဘုရားလက်ထက်က နဂါး တစ်ကောင် ဟာ သူ့ ဘ၀ လွတ်လမ်း ကျွတ်လမ်း ရှာချင်တာနဲ့  လူယောင်ဖန်ဆင်းပြီး ရဟန်းပြုခဲ့ပါတယ်။ ဒီလိုနဲ့  အုတ် ရောရော ကျောက်ရောရောလူသား အစစ်ရဟန်းတွေ နေတာပါ။ အခြားရဟန်းတွေက တကယ် လူရဟန်းလို ပေါင်းကြသင်းခဲ့ကြတာပေါ့။

တစ်နေ့ မှာတော့လူအတု နဂါး ရဟန်းက စိတ်လွတ်ကိုယ်လွတ် အိပ်ပျော်သွားတယ်။ သူ့ ဘေးမှာ နေ တဲ့ ရဟန်းက နိုးလာတော့ နဂါးကြီးကို မြင်ပြီး ထိပ်ထိပ်ပြာပြာ ဖြစ်တာပေါ့။ လန့် ပြီး အော်တာနဲ့ လူအတု ရဟန်း ဖြစ်တဲ့ နဂါး နိုးလာတယ်။

အဲဒီကျမှ လူသား အဖြစ်ဖန်ဆင်းလိုက်တယ်။ ဒီအကြောင်း ဘုရားရှင်သိသွားတဲ့ အခါ လူသား အစစ်သာ ရဟန်းခံခွင့်ရကြောင်း သတ်မှတ်တော် မူခဲ့ပါတယ်။ နတ်တို့ ရဲ့ ရှင်ဘုရင် သိကြားလည်း ရဟန်းပြုမယ်ဆိုရင် ဘုရားက ခွင့်မပြုပါဘူး ဆိုတာကိုရော ၀တ္ထုနဲ့ ပြည့်စုံမှုနဲ့  ပါတ်သက်လို့  ရှင်း ပြတယ်။

ပြောမယ်ဆိုရင်တော့ များသားပဲ။ ရောဂါ အမျိုးမျိုး ရှိသလား ဆိုတာကိုလည်း မေးရတယ်။ အကြွေးရှိသလားဆိုတာလည်း မေးရ။ ရုံးဝန်ထမ်းလား စတာတွေလည်း မေးပြီးမှ အားလုံး အဆင် ပြေမှ ရဟန်း ပြုခွင့်ရှိကြောင်းကိုလည်း တိုတိုထွာထွာ ဆက်ပြော ခဲ့ရသေးတယ်။ အားလုံး ဟာ ၀တ္ထု - သမ္ပတ္တိ ၀တ္ထုရဲ့  ပြည့်စုံမှုခေါ်တယ်ပေါ့။

မြန်မာ ဒကာ ဒကာမတို့ အဖို့  ၀တ္ထုနဲ့  ပြည့်စုံမှု က (ကဟာပဏ- money – ) ပိုက်ဆံ ငွေကြေး လို့  မြင်မစိုးလို့ ၊ ထင်မစိုးလို့  ပါ။ အများက အဲလို သိထားတယ်လေ။ ဆွမ်းစားက ၀တ္ထု ဘယ်လောက် ရလဲ ကိုယ်တော်...ဆိုပြီး မေးတာမျိုးလို။

၂။ ဉတ္တိ သမ္ပတ္တိ- ဉတ် ရဲ့  ပြည့်စုံမှု=ဉတ်ရဲ့  ပြည့်စုံမှုတာ announcement အသိမှတ်ပြု ပြောကြား ခြင်းဖြစ်ပါတယ်။ ပဉ္စင်းလောင်း ရဟန်းဘောင် တက်မည် ဆိုတာ သံဃာ တစ်ပါးက ပြောကြားတာပါ - လို့ ရှင်းပြလိုက် ပါတယ်။

၃။သီမာသမ္ပတ္တိ- သိမ် ရဲ့  ပြည့်စုံမှု= Ordination Hall သိမ် ရဲ့  ပြည့်စုံမှု။ ရဟန်းတော်များ ကံကြီး ကံငယ် ဆောင်ရွက်ဖို့  သတ်မှတ်ထားတဲ့ နေရာ လို့  ပြောလိုက်ပါတယ်။
(သိမ်အကြောင်းရာ ပြောရ ၊ နားလည်ရ အခက်ဆုံးပါ။ ၀ိနည်းမှာ သိမ်။ သဒ္ဒါမှာ လိင် - အခက် ဆုံး ဆိုတာကို ဆိုရိုး ပြုထားပါတယ်။ )

၎။ကမ္မ၀ါစာ သမ္ပတ္တိ- ကမ္မ၀ါစာ ရဲ့ ပြည့်စုံမှု= Ecclesiastical scriptures ပြည့်စုံမှု။ လွယ်ကူစွာ ထပ် ရှင်း လိုက်တာက - ရဟန်းခံပေးမည့် ရဟန်းတော်တို့ က ကမ္မ၀ါစာကို ပီပီသသ ဗျတ္တ ထက်ထက် မြတ်မြတ် ၊ ပဋိဗလ- စွမ်းစွမ်းတမန် ရွတ်တတ် ဖတ်တတ်တာ လို့  ပြောလိုက်တယ်။

၅။ပရိသာ သမ္ပတ္တိ- ရဟန်းပရိသတ်ရဲ့  ပြည့်မှု = ရဟန်း ပရိသတ်ရဲ့  ပြည့်စုံမှုတာ ရဟန်းဘောင် တက် လျင် အနည်း ဆုံး ၅ပါး ရှိက အသိမှတ်ပြု ပေးမှ ရဟန်းဖြစ်တယ် ဆိုတာကို ရှင်းပြလိုက်ပါတယ်။

အဲဒီနောက်မှာ တော့ သံဃာ ဆိုတာ ၂မျိုးရှိတယ် ၁။သမ္မုတိ သံဃ ၂။ ပရမတ္ထ သံဃ ဆိုတာ ပြောပြပါတယ်။

၁။သမ္မုတိ သံဃ ဆိုတာ အရိယ မဖြစ်သေးတဲ့ သံဃာ အများက အသိမှတ်ပြုထားတဲ့ ရဟန်းပါ။
၂။ပရမတ္ထ သံဃ ဆိုတာကတော့ သံဃာ အများက ရဟန်းလို့  အသိမှတ်ပြုထားတဲ့ သူဟာ အရိ ယာ သူတော်စင်ဖြစ်သွားတဲ့ သံဃာ ကို ဆိုလိုကြောင်း ထပ်ရှင်းရပါတယ်။

သံဃာ အကြောင်းသိပြီးရင် သံဃာတွေရဲ့  တာဝန်သိဖို့ လိုတယ်။ သံဃာတွေရဲ့  တာဝန်က ၂မျိုးပဲ ရှိပါတယ်။ ၁။ဂန္ထ ဓုရ ၂။ ၀ိပဿနာ ဓုရ ပါ။

၁။ ဂန္ထ ဓုရ ဆိုတာ စာပေကျန်းဂန် ကို သင်ယူခြင်း ပို့ ချခြင်း။ သီးစစ်ရေးခြင်း ။ တရား ဟောခြင်း တွေ ကို ခေါ်တာပါ။ ၀ိပဿနာ တရားကို ဟောနေတာကလည်း ဂန္ထဓုရ ပါ။

၂။ဝိပဿနာ ဓုရ ဆိုတာက ၀ိပဿနာ တရားများ ကိုယ်တိုင် ကျင့်ကြံ အားထုတ်မှုပါ။ သမထ အား ထုတ် တာလည်း ပါဝင်ကြောင်း ရှင်းပြလိုက်တယ်။

သံဃာ များနဲ့  ပါတ်သတ်ပြီး သတ်မှတ်ချက်ကို ဆက်ပြောခဲ့ပါတယ်။ သာသနာမှာ ရဟန်းဖြစ်ပြီး (၅နှစ် အတွင်း) ၅၀ါ အတွင်းကို န၀။ ၅၀ါကျော်ပြီး ၁၀ ၀ါအောက်ကို မဇ္ဈိမ။ ၁၀ ၀ါ မှ အထက် ၀ါ ၂၀ အတွင်းကို ထေရ။ ၀ါ ၂၀ မှ စပြီး ရဟန်းဘ၀ တစ်လျှောက်လုံး မဟာထေရ ဟု ခေါ်ဆိုကြောင်း အဋ္ဌကထာ အဖွင့်များနဲ့  အညီ ထပ်ရှင်းခဲ့ပါတယ်။

ဒါကို အနီးမှာ ထိုင်နေတဲ့ အရှင်ဌိတဓမ္မက သိလွယ်အောင် ဦးတေဇောဘာသက ၁၀ ၀ါကျော်မို့  ထေရ။ ဦးဂဝေသကော က ၅ ၀ါကျော်မို့  မဇ္ဈိမ။ သူက ၅၀ါ မပြည့်သေးလို့  န၀ ဆိုတာ ထပ်ရှင်း ပြပါ တယ်။ ( ကိုယ့်ကလည်း သိသိသာသာကြီး ထေရ ဖြစ်နေပါပေါ့ လား)။

( တစ်ချို့  မသိသေးသူများ အဖို့  ရဟန်းတော်များရဲ့ အသုံးနှုန်းမှာ တစ်ဝါကျွတ်တာနဲ့  ရဟန်း များအဖို့  တစ်ဝါ လို့  ရေတွက်တာကို သတိပြုစေချင်တယ်။ သိစေချင်ပါတယ်။)

ပြီးတော့ ရဟန်းများရဲ့  မရှိမဖြစ် လိုအပ်ချက် ပစ္စည်း ( ၈ ) မျိုး ဆိုတဲ့ အဋ္ဌ ပရိက္ခာရ ကို ရှင်းပြပါ တယ်။

အပိုင်း ( ဃ ) မှာ အဋ္ဌ ပရိက္ခာရ နဲ့  နောက်ထပ်ပြီး သိသင့်သိထိုက်တာများကို စောင့်စား ရှုမျှော် အားပေး ဖတ်ရှုပါကုန်။ မှတ်သားစရာ ပြောစရာများ ရှိပါသေးတယ်။

မြတ်ရောင်နီ
(၀၄၊၀၃၊၂၀၁၀)